Աստվածաշնչի հայտնի հատվածներ यूहन्‍ना 16-ից

Կիսվել

ङे खित्‍सादु ख्‍योकोन सेम ढुक्‍क खाला देता थुप्‍स्‍यीत सिनराङ ङे दि बाततेबा साबाते ईन। दि सा लुङबे मिओनगी ख्‍योकोनला तेरासम्‍म दुक्‍पा तेरग्‍यो। थोक ईन्‍सीनोङ ख्‍योकोन हरेस मासा। दि सा लुङबादु ओताते जे ईन्‍सीनोङ, जो ईन्‍सीनोङ गाङेला ङे ग्‍याल्‍गीन सिन्‍दा ओत,” सिन सिदुक।

दोक ईन्‍सीनोङ ख्‍योकोनला सल्‍लाह तेरकान्‍ते परमेश्‍वर आत्‍मा दुरू वानामेकी थेकीराङ ख्‍योकोनला सत्‍यते बात गाङे खो ज्‍युत्‍क्‍यो। थेकी खित्‍च्‍येते बात थे खोरोङगी जोला खित्‍च्‍येते मेन। थेकीनी थे खोरोङगी थोबाते बातकामा खिओ। थेमे था थोरूमोङ च्‍यि च्‍यि ओङगीते सिन लाप्‍ला तेरग्‍यो।

थातासाक ख्‍योकोनगी ङे मिन लाकीन आबाताङ छ्याःङ नाङ खाबा मेत। था ख्‍योकोनगी आबाला नाङ खि। ख्‍योकोनगी नाङ खाबाते ङेत्‍नामेकी छ्याःङ पीर मिक्‍किता खाला ख्‍योकोन आउदी खाला गा खिओ।

दोक ईन्‍सीनोङ ङा ख्‍योकोनला दि बात लेमु खाला सिरामीन। ङा दोक खाला डोच्‍येते ख्‍योकोनला लेमु ओङालाराङ ईन। ङा दुरूकी मागालथुप ख्‍योकोनला सल्‍लाह तेरकान्‍ते ख्‍योकोन ओत्‍सादु मेङगो। ङा गाल्‍नामेईचेन ङा थेला दुरू तोङगो। थेमे थेकी वाला दि सा लुङबे मिओनला थेबेकी पाप खाबेकी खित्‍सादु थेबा दोषीराङ ईन सिरच्‍येते, परमेश्‍वरगी चुक्‍ते मिला दोषी मेन सिते सिरच्‍येते थेमे ङीमाई परमेश्‍वरगी गाङेते न्‍याय खिओ सिरच्‍येते बात छ्या स्‍ये ज्‍युत्‍क्‍यो।

ख्‍योकोनलाङ होदोकराङ ओङगो। चुक सासीन था ख्‍योकोनला आउदी पीर लाङगो। ईन्‍सीनोङ याङराङ ङा ख्‍योकोनला ठेता खिओ। थेमे थेजीन ख्‍योकोनला आउदी गा लाङगो। सुइँदेकी ख्‍योकोनला दोक खाला गा माकेत सासीनोङ ख्‍योकोन खाराक्‍पा देताराङ मुथुबो। थे छोमु ख्‍योकोनगी ङाला छ्याःङ नाङ मिसिरो। दि बात ङेन। ख्‍योकोनगी ङे मिन लाकीन आबाला जे नाङ सासीनोङ थेकी ख्‍योकोनला दाक तेरग्‍यो।

दि बात ङेन। च्‍यि सासीन था पीरगी खित्‍सादु ख्‍योकोन आउदी खाला ङुइओ। थे बेलाला दि सा लुङबे मिओनचेन आउदी खाला गा खिओ। ख्‍योकोनगी सेम सेत्‍कीन पीर खिता फाप्‍सीनोङ दिनी था तिरी आउदी गा लाङच्‍येते बातका ओङगो।