Աստվածաշնչի հայտնի հատվածներ Marcos 15-ից

Կիսվել

Tä uli mumio opa nö, motokö kaöto tä, Jesus a komöma. ‑Eloi. Eloi. Lemá sapakötani?‑ a kuuma. Kamakö kai sai ha, ‑Ipa Teusö ai. Ipa Teusö ai. Wi na tä kuaö ha sa hosalöma?‑ ĩ na Jesus a komö kuutoma.

Ĩ na tä kua tä, sotatu töpö satehe epii töpö na a pata simöo sinomoti wi ĩ a patanö Jesus a nasi tuo tama. Mumi mumi ta pata waloköma tä, Jesus a komö nö, a nasi tuo noai, ĩ tä pewö taa nö, ‑Hi Teusö a hai ĩ pelupö a kuomaö!‑ a pata kuuma.

Ĩ na tä kua tä, ki hamö, Teusömo wi ĩ a sai mötali ha watata ösö supe pata katöo mötalio läo wi ĩ ösö pata, kletiti. Sanöma tänö ösö kakapa mai ha, hösöka ha kama ösö pata kaka pätalo nö, ösö pata kaka totipasoma.

Ĩ tä, Jesus a komö nö, a nasi tuköma.

Ĩ na tä kua tä, motokö hẽtuto totia tä, mumi mumi tä pata waloa soa pätaköma. Mumi mumi tä pata waloa soa pätaiki nö, motokö kaöpo paio mai ha, masita tä uli pewö mumio opama.

Töpö lalupalo kuu ha, töpö pi mönahapamani pia salo, Pilatosö a patanö Pahapásö a wani atua kõa pasipamanöma. A wani atua kopamanö nö, Jesus a soapamanöma. A soapamanö nö, sotatu töpö na a totokö nö, ‑Pei. A säpalö‑ ĩ na töpö noa thama.