Աստվածաշնչի հայտնի հատվածներ JƆN 15-ից

Կիսվել

“Nya lɔ ngulu gbuhɛi a nge, wua lɔ mbekeisia a wue. Numui na a yɛ nya hu, nya bɛɛ ngi ngi hu, tamia a wua kpotongɔ waa, ajifa wuɛɛ gu a gbɛogbɛ wiela nya wooma.

A yɛ nya hu, nya bɛɛ ngi wu hu. Kia ngulu bekei ɛɛ gu a wuala a ngi wuma wee, kɛlee i yɛ looni ngulu gbuhɛi ma, hii wua bɛɛ wɛɛ gu a wuala kɛlee wu yɛ nya hu.

Wu yɛngaa nya hu, nya layiesia ti lo wu hu, hinda gbi lɛkee wa Ngewɔ vɛli fa a wielɔ wu wɛ.

Wua ii le wua nya mahou; nya lɔ ngi wu mahouni, ngi loko lo wu ma ngɛɛ wu li wu ngenge yekpe gboto wie, ngenge yekpei na a lɛmbi; aako na gbi lekee wa Kɛkɛi vɛli fa nya biyɛi hu, i fe wu wɛ.

Ndoma gbi ii na numu aa kɛ ngi ndiamɔisia va aa lewe ji ma a ngi lɛɛvui ve ti va.

Mbeke gbi lekee ii wɛilɔ, a tewelɔ, kɛɛ mbeke gbi lekee i wuangaa, a magbatɛlɔ aako i wua i lewe na ma.

Ji lɔ nya jawei le: a lo a wu nyɔunyɔ kia nya longɔ a wue.

Ji wa wua kpotongɔ waa ta mia a nya Kɛkɛ wɔlɔyei gɛ, kɛ a yee kɛyii ji hulɔ wa wotea nya ngalopoisia.

“Nya lɔ ngua-wulii yeetɔnyangɔi a nge, tawao nya Kɛkɛ lɔ kpala yengemɔi le.

Numui na ɛɛ yɛ nya hu, ta ngi wililɔ kia ngulu beke i na, i be; ta yeembeke bondei jisia lɛlɔ ma, ti ti wili ngɔmbui hu, ti mɔ.

“Ngi hindei jisia hugɛnga a wue aako nya goohunɛɛi i yɛ wu hu tawao wu goohunɛɛi lavengɔ i yɛla.

Wu nya jaweisia houngaa, nya lomɛi a yɛlɔ wu hu, kia lɔɔ ngi nya Kɛkɛi jaweisia hounga, ngi lomɛi a yɛ nya hu.

A lo a wu nyɔunyɔ; nya jawei lɔ a ji wu va.

Kiaa dunyei wolɔ a wue, aa lolɔ a wue jifa ngi woo lɔ a wue. Kɛɛ ngi wu mahouilɔ dunyablei jisia lia, tawao wuii yaa yɛni a dunyei woo, na va mia dunyei lolongɔ a wue.