Աստվածաշնչի հայտնի հատվածներ JƆN 14-ից

Կիսվել

“Nyaa ndiilɛli loma a wue; nya liilɛli mia ngi fema wu wɛ; ngii fema kia dunyei a fe la. Wu lii aa nyani tawao waa luwa.

Yesu i kpɛmboilɔ yɛ, “Nya lɔ pelei a nge kɛɛ tɔnyɛi kɛɛ ndɛvui; numu gbi ɛɛ li Kɛkɛi gama kɛlee i lewe a nya hu wee.

“Wu lii aa nyani; a la a Ngewɔ, wu la a nya bɛɛ.

Kɛɛ Kpɔmamɔi, Ngewɔ Yafei, na Kɛkɛi a njooyo nya biyɛi hu, a wu gaalɔ a nalee gbi ngi kɛni a wue a yaa hitɛ wu nɛmahu na kpɛlɛɛ na wu gaani la.

“Numui na a nya jaweisia gulu, i ti hou, ta mia ngi longɔ a nge; tawao numui na ngi longɔ a nge, nya Kɛkɛ a lolɔ a ngie, tawao nga lolɔ a ngie ngi nya yekpe gɛ a ngie.”

Nga Kɛkɛi vɛlilɔ tawao a wu gɔlɔ a Kpɔmamɔ weka na wua tieni wa hei kunafɔ va. Tamia a Ngafei na a tɔnyɛi hugɛ kɔloongɔ Ngewɔ ma. Dunyei ɛɛ loko hei ngi bu ajifa ɛɛ gu a ngi lɔla ɔɔ ngi gɔla. Kɛɛ wua wu ngi gɔɔlɔ, ajifa wua tieni wa yɛ heinilɔ tawao i wu hu.

Hinda gbi wa Ngewɔ vɛli fa nya biyei hu, nga pielɔ aako Kɛkɛi wɔlɔyei i gɛ ngi Hindoloi hu; Wu nya vɛlingaa hinda gbi va nya biyɛi hu, nga pielɔ.

“Ina wu longɔi a nge, wa nya jaweisia houlɔ.

Lomu gboto lɔ nya Kɛkɛ wɛlei bu, tawao nyaa lima ngi heima gbatɛ wu va. Ngii yɛ ji le wu ma ina ii hii.

Ngi yaalɔ ngi heima gbatɛ wu va, nga walɔ gbɔma ngi li a wue aako mua wueni mu yɛ mia nga yɛ na.

Tɔmɔsi ndeilɔ ngi ma yɛ, “Ndemɔi, muii mia gɔɔ bi lima na; ma yee gu mu yeepelei gɔ?”