Աստվածաշնչի հայտնի հատվածներ Romanos 2-ից

Կիսվել

Ay jake, jumatejj jakenacarojj juchañchstajja take uca luräwinacapata, ucatsti jumajj jupanacjamaraqui lurascsta ucajja, ¿amuytati Diosan mutuyäwipat jaltañjja? ¿Jan ucajj Diosan munasiñapjja, jan tucusquir llamp'usiñapsa janich yäkcta? Chekpachansa uca Diosan llamp'u tucutapajja juman take ucanac arrepientisisa apanucuñamataquiwa.

Take ucanac luratam laycusti jumajj jan cuna arsusiñaniw uñjastajja jumajj qhitïscamsa. Jakenacarusti juchañcharactawa uqham juchañchasinsti juma quipcaw juchañchastajja, juman uca quipca luratam laycu.

Diosajj janiw yakha yakha uñjquiti jakerojja, jupataquejj take jakes mayaquiwa.

Diosan nayrakatapanjja janiw asquïquiti uca ley alek ist'irinacaquejja jan ucasti uca leyirjam phokherinacaw asquejja.

Ucapachasti Diosajj churaniwa sapa maynirus luräwiparjama.

Ucampis jan ist'asis ch'ajjwirinacarojja mutuyaniwa, chekat sipana jan walïquis ucar jaysatap laycu.

Wali kala chuymanïtawa, janiraquiw uca jan wali luratanacamsa apanucuñ munctati. Ucatpï jichhajj juma pachpataqui uca jan wali luräwinacjja wal montonasctajja, cunürutejj Diosan chekapar taripañ urojj purincani ucürutaqui.