Աստվածաշնչի հայտնի հատվածներ Romanos 1-ից

Կիսվել

Janiw nayajj evangeliotjj p'enkascti, ucasti Diosan ch'amapawa take iyawsir jakenacar khespiyañataqui, nayrakata judionacaru uqhamarac jan judiöpquis ucanacarusa.

Aca arunacasti jiwasanacarojj yatichistuwa, cunjämtï Diosajj jiwasanacar catokquistu iyawsäwi laycuqui, cunjämtejj Kellkatan sisquis uqhama: “Qhititejj Diosamp catokatäqui ucajja iyawsäwi laycuquiw jacani” sasa.

Diosan jan uñjcay yänacapajj jupan luratanacap tokew uñacht'ayasi. Khanpachwa uñacht'ayasi cunapachatejj aca orakejj luratäcäns ucürutpacha jupajj Diosätapa, ch'amapajj jan tucusquiriraquïtapa. Ucatpï jakenacajj jan cunjämats jupat jaltapcaspatejja.

Uqham Diosan ch'amanïtapa uñt'apcchisa, jakenacajj janiw Diosarjam yupaychapquiti ni yuspagarapcaraquisa, jan ucasti juc'amp jan cunatac ina lup'ïwinacar chhaktatäpjjewa, jan walinac amtir chuymapasti ch'amact'ataraquiwa.

Diosan cheka cancañapar jan iyawsasina, cunatejj c'arïqui ucar jaysapjjatap laycu. Ucatsti cuntejj Diosajj lurcatayna ucanacaruquiw yupaychapjje Diosar yupaychañat sipansa. Chekpachansa Diosaquiw wiñayataqui yupaychatäñapajja. Uqhamäpan.

Uñjtanwa Diosan ajjsarcañ mutuyäwipajj alajjpachatwa jutasqui take acapachan jan wali jakenacataqui, uqhamarac juchararanacataqui. Jupanacan juchanacap laycuwa cheka cancañajj jan khanstquiti.

Ucatwa Diosajj jupanacarojj sinti p'enkascañ juchanacaru apanucu, warminacapasa cunatejj jupanacataquejj waquisqui ucanacsa maysaruw mayjt'ayapjje warminacpura sarnakasa. Chachanacasa uca quipcaraquiwa, cunatejj warmimpi jakjama sarnakañäqui ucanac jaytjasinjja jan walïquis ucanacwa lurapjje. Jupanacan jan wali lup'ïwinacapasti ninjamaw ake, p'enkascaña k'añunacwa lurapjjaraqui chachanacpura, uqhamatwa jupanacajj mutuñjja catokapjjaraqui uca jan wali sarnakäwinacaparjama. Niyaquitejj Diosarojj jan uñt'añ munapcchejja, Diosajj jupanacarojj uca jan wali luräwinacapar chhakañapataquiw jaytanucu, ucat jan walïqui uc lurapjjañapataqui.

Jupanacajj wali yatiñanjamaquiw tucupjje, ucampis janiw cuns yatipquiti. Ucatwa Diosan jach'a c'ajquir cancañapa jakoquipapjje, jiwirïqui uca Diosar yupaychañat sipanjja jiwir jakenacan diosanacaparuw yupaychapjje jamach'inacaru, asirunacaru, pusi cayun animalanacar cuna.