Աստվածաշնչի հայտնի հատվածներ MARKUS 14-ից

Կիսվել

Ie matur, “Bapa, ya Bapa, nénten araq sopoq hal saq mustahil bagi Deside. Jaoqang cawan penderitean niki léman Tiang. Laguq sampunang menurut keméléq Tiang, laguq pekayunan Bapa.”

Terus Deside Isa bemanik léq ie pade, “Bejage-jage, dait bedo'e, adéq side pade ndéq ngalamin cobe. Mule roh side mélé ngelaksaneang saq kenaq, laguq side pade ndéq sanggup séngaq awakde nike lemah.”

Tiang badaq side: Setetune léq seantéro dunie, léq mbé juaq Kabar Solah léman Allah tesiarang, perbuatan dengan nine niki gen teceriteang éndah jari nginget ie.”

Deside Isa bemanik léq pengiring-pengiring-Ne nike, “Angen Tiang sedih gati, idapne maraq gen maté doang. Ndot léq deriki dait bejage-jage!”

Sewaktu Deside Isa dait pengiring-pengiring-Ne kenyeke medaran, Deside Isa bait ruti, terus ngucapang do'e syukur. Beterus Ie peleng-peleng ruti nike kadu gading-Ne, terus ngicanin tipaq pengiring-pengiring-Ne, sambil bemanik, “Silaq bait, niki ragen Tiang.”

Sesampun nike Deside Isa bait sopoq cawan saq berisi anggur. Ie ngucapang do'e syukur tipaq Allah, terus ngicanin cawan nike léq pengiring-pengiring-Ne. Beterus ie pade selapuq nginem anggur nike. Sesampun nike, Deside Isa bemanik, “Niki daraq Tiang saq ngesahang perjanjian Allah, daraq saq tetumpahang tipaq dengan luwéq.

Beterus Deside Isa bemanik léq ie pade, “Side selapuq gen pelai bilin Tiang. Séngaq dalem Kitab Suci tetulis, ‘Tiang gen nyematéq pengaratne, dait selapuq dombe-dombene gen bekelin sopoq kance saq lain.’

Pade ures! Silaq ite lumbar. Serioq! Dengan saq behianat léq Tiang sampun dateng!”

Manik Deside Isa léq ie, “Tiang badaq side, setetune kelem niki éndah, sendéqman manuk ngungkung due kali, side sampun telu kali nilas Tiang.”