Աստվածաշնչի հայտնի հատվածներ LUKAS 9-ից

Կիսվել

Óh lheuehnyan Isa geupeugah teuma ubak bandum ureuëng nyang na nibak teumpat nyan, “Ureuëng nyang jitem seutôt Ulôn, harôh jipeutuwoe ubak keupeuntengan jih keudroe, jitem gulam saleb gobnyan tieb-tieb uroe, dan hana jipiôh jiseutôt Ulôn.

Sabab ureuëng nyang keuneuk peuteun keuhai udeb jih, ureuëng nyan teuma gadôh udeb. Nyang keubiet jih, ureuëng nyang jikeureubeuen udeb jih deumi keu Ulôn, ureuëng nyan teuma seulamat.

Isa geupeugah ubak ureuëng nyan, “Ureuëng nyang ka jipeuphon meu-uéue, laju jingieng u likot, ureuëng nyang lagée nyan hana patot jeuet keu umat Po teu Allah.”

Peue laba jih sidroe ureuëng meunyoe bansigom donya nyoe jeuet keu milék jih, teuma jihnyan jipeurusak ngon jipeugadôh udeb jih?

Meunyoe ureuëng malée jiangkée Ulôn dan peue-peue nyang Ulôn peurunoe, meunan cit Aneuëk Manusia teuma malée jiangkée ureuëng nyan bak watée geuhnyan teuka singoh ngon kuasa Gobnyan, dan deungon kuasa Bapak dan malaikat-malaikat nyang suci!

Geujaweueb lé Isa, “Asée srigala na uruek, dan cicém na eumpung, meunyoe Aneuëk Manusia hana teumpat éh.”

Dan laju geupeugah ubak murit-murit Gobnyan, “Ureuëng nyang jiteurimong aneuëk nyoe ngon sabab lé Ulôn, saban cit jihnyan ka jiteurimong ulôn. Dan ureuëng nyang teurimong ulôn, saban cit ka jiteurimong Gobnyan nyang utus Ulôn. Sabab ureuëng nyang paleng ubit lamkawan gata nyoe, nyan kheueh nyang paleng rayeuk!”