Աստվածաշնչի հայտնի հատվածներ LUKAS 10-ից

Կիսվել

Butateupeu kheueh! Ubak gata ka ulôn bri kuasa mangat gata jeuet gata giloe uleue ngon kala mubisa dan gata peupatah bubena teunaga musoh, hana sapeue pih nyang hase jipeubala ateueh gata.

“Marta, Marta!” jaweueb Tuhan. “Gata khawate dan aloh alah gata pike jéh nyoe; padahai nyang paleng peunteng na kheueh saboh. Dan Maryam ka jipiléh nyang paleng gét, nyang hana teuma teucok nibak jih nyan.”

Jijaweueb lé ureuëng nyan, “ ‘Cinta kheueh ubak Tuhan Allah gata deungon até nyang sunggoh-sunggoh, deungon sigeunab jiwa gata, dan deungon banmandum ákai budho gata,’ dan ‘Cinta kheueh seusabe gata manusia lagée gata cinta ubak droe keudroe gata.’ ”

“Hase nyang teuma teupôt jai that,” kheun gobnyan ubak awaknyan, “teuma nyang mubuet keu jipôt nyan cit bacut. Sabab nyan, lakée kheueh ubak ureuëng po ladang mangat jihnyan jikirém ureuëng mubuet keu jipôt hase seunaman jih nyan.

Óh lheueh nyan Isa geupeu putôh calitra nyan deungon geutanyong lagée nyoe, “Nibak ban lhée droe ureuëng nyan, nyang toh kheueh, meunurot pikeran gata, nyang jipeubuet sibagoe sabe keudroe-droe nibak ureuëng nyang keunong reupah nyan?” Gurée agama nyang teutanyong nyan jijaweueb, “Ureuëng nyang ka jitulông ureuëng nyang keunong rampok nyan.” “Nyan, gata jak kheueh, dan gata peubuet kheueh lagée nyang ka jipeubuet lé ureuëng Samaria nyan!” kheun Isa.

Nyan, jak kheueh laju! Ulôn utus gata lagée bubiri lam kawan asée srigala.