Աստվածաշնչի հայտնի հատվածներ JOHN 16-ից

Կիսվել

Keimaha hamuanna na neihna diingun hi thute na kawmvah ka soi ahi. Khovel ah gimthuaahna na nei diing uh; hizongleh kipaahtahin um un, ke’n khovel ka zouta hi, a chi hi.

Hizongleh thutah Hagau ahung tun chiangin ama’n nanguh thutah zousiah ah ahung puiluut diing; ajiahchu amah phuaahthuh in thu a soi sih diing a, hizongleh a jah photmah chu a soi zaw diing; huleh sil hung tung diingte ahung musah diing hi.

Tutanin ka minin bangmah na ngen nai sih uh; ngen un, na mu diing ah, na kipaah uh a kimna diingin.

Hizongleh thutah ka hung hilh hi; Ka chiahmang nanguh diingin a hoih hi; ajiahchu ka chiahmang louhleh Hamuantu na kawmvah ahung sih diing hi; ka chiah inchu na kawmvah ka hung sawl diing hi. Amah ahung tun chiangin sual thu ahte, dihtatna thu ahte, huleh vaihawmna thu ahte khovel a siamlouh dan a hesah diing hi.

Hujiahin tuin lunggimna na nei uh ahi; hizongleh nanguh ka hung mu kiit diing a, na lungtang ah a kipaah diing; huleh na kipaahna ah koima’n ahung laahsah sih diing hi. Huni chiangin nangun bangmah na hung ngen sih diing uh Chihtahzetin, chihtahzetin, ka hung hilh ahi, Ka mina Pa kawma na nget photmah uh ama’n nanguh ahung pe diing hi.

Chihtahzetin, chihtahzetin, ka hung hilh ahi, Nanguh na kap diing va, na maau diing uh; hizongleh khovel a kipaah diing; nanguh chu na lunggim diing va, hizongleh na lunggimna uh kipaahna a suaah diing hi.