Աստվածաշնչի հայտնի հատվածներ JOHN 15-ից

Կիսվել

Kei grepgui chu ka hi, nanguh a bate na hi uh; koipouh keimah a um ngiitngeet leh, kei amah a ka um ngiitngeet napa chu tampiin a gah veu hi; ajiahchu keimah louin bangmah na bawl thei sih uhi.

Keimah ah um ngiitngeet un, kei zong nanguh ah ka um ngiitngeet diing. Ba in grepguia a um ngiitngeet louhngalleh amah ngen a, a gah theih louh mahbangin, nanguh zong keimaha na um ngiitngeet louh uleh na gah thei sih diing uhi.

Keimaha na um ngiitngeet va, huleh ka thu zong nanguh a, a um ngiitngeet inchu na utut uh na ngen diing va, huchu ahung kibawlsah diing hi.

Nangun kei na hung teel sih va, ke’n nanguh ka hung teel zaw hi; huleh chiah a gah diing leh, na gah uh um zing diingin, huleh ka mina Pa kawma na nget photmah uh ahung piah theihna diingin nanguh ka hung guat hi.

Mi’n a lawmte’ diing a hinna a piah sanga lianzaw lungsiatna koima’n a nei sih hi.

Keimah a um ba gahlou photmah chu a paaimang veu a; a gah photmah chu a susiangthou veu hi, a gah tam sem theihna diingin.

Ke’n nanguh ka hung lungsiat bangin nanguh zong khat leh khat kilungsiatun chih ka thupiah ahi.

Hikhu ah ka Pa paahtawi in a um hi, tampi a na gah vah; huchi'n ka nungjuite na hi diing uhi.

Kei grepgui dihtah chu ka hi, ka Pa a hu an enkoltu ahi.

Mi keimah a, a um ngiitngeet louhleh ba bangin paihdohin a um a, a vuai veu hi; huleh mi’n amahuh a tomkhawm a, meiah a paai va, a kaang veu hi.

Ka kipaahna nanguh a, a umden theihna diing leh, na kipaahna uh a bukim theihna diingin hi thute na kawmvah ka soi ahi.

Nangun ka thupiahte na juih uleh ka lungsiatna ah na um ngiitngeet diing uh; Ke’n ka Pa thupiahte ka juih a, a lungsiatna a ka um ngiitngeet mah bangin.

Hi thute nanguh ka hung pia hi, khat leh khat kilungsiat un.

Khovel a hile u’chin khovel in amah a, a lungsiat diing hi; hizongleh khovel a hilou a, khovel a kipana ka hung teeldoh na hihzawh jiahun khovel in nanguh ahung hua ahi.