If you have would like a copy of this version please contact info@davaraudiobibles.org

Chol Old Testament

<div class="version vid2504 iso6393ctu" data-vid="2504" data-iso6393="ctu">
 <div class="book bkGEN">
 <div class="chapter ch26" data-usfm="GEN.26">
 <div class="label">26</div><div class="s1">Isaac a&#241; ti Gerar</div><div class="p"> 1Ti jim b&#652; q'ui&#241; tsa' tili wi'&#241;al ti ji&#241;i lum ba' chumul Isaac &#8212;Ji&#241;i &#241;axan b&#652; wi'&#241;al tsa' &#241;umi che' cuxul to Abraham&#8212;,#26.1 Gn 12.10. Isaac tsa' majli ti Gerar ba'a&#241; Abimelec i rey filisteojob. 2Lac Yum tsi' p&#652;s&#652; i b&#652; ba'a&#241; Isaac, tsi' su'be: &#8220;Mach ma' majlel ti Egipto; yom ma' chumt&#652;l ti ji&#241;i lum ba' mi caj c su'be&#241;et. 3Yom ma' waj&#241;el ti ji&#241;i lum maxto b&#652; a cha'a&#241;ic. Mi caj caj&#241;el a wic'ot yic'ot mi caj c&#652;q'ue&#241;et i yutslel c t'a&#241;, come mi caj c&#652;q'ue&#241;et yic'ot a p'olbal pejtelel ili lum. Mi caj c ts'&#652;ctesan ji&#241;i t'a&#241; tsa' b&#652; c su'be Abraham a tat. 4Mi caj c p'ojlesan a p'olbal che' bajche' ec' ti panchan; mi caj c&#652;q'uen a p'olbal pejtelel ili lum; ti' tojlel a p'olbal mi caj i y&#652;q'ue&#241;telob i yutslel c t'a&#241; wi&#241;icob x'ixicob ti pejtelel pa&#241;imil, 5cha'a&#241; tsi' jac'&#652; c t'a&#241; Abraham, yic'ot tsi' mele pejtelel chuqui tac tsa' c su'be, tsi' jac'&#652; c mandar, yic'ot pejtelel j c&#652;ntesa.&#8221;#Gn 12.1-3; 13.14-15; 15.18-21; 22.16-18</div><div class="p"> 6Ji&#241;i cha'a&#241; Isaac tsa' chumle ya' ti Gerar. 7Ji&#241;i wi&#241;icob ya' b&#652; chumulob ti ji&#241;i lum tsi' c'ajtibeyob Isaac majqui ji&#241;i x'ixic am b&#652; yic'ot, Isaac tsi' y&#652;l&#652;: &#8220;Ji&#241;&#652;ch xch'oc b&#652; quijts'in,&#8221; #26.7 Isaac tsi' y&#652;l&#652;: &#8220;Ji&#241;&#652;ch xch'oc b&#652; quijts'in:&#8221; Ili t'a&#241; che'&#652;ch tsi' y&#652;l&#652; ja'el Abraham (Gn 12.13; 20.2). Isujm Rebeca ji&#241;&#652;ch i yalobil Betuel i yalobil b&#652; Nacor i yeran Abraham (Gn. 22.20-23; 24.15). come tsi' b&#652;c'&#241;a i y&#652;l: &#8220;Ji&#241;&#652;ch quij&#241;am,&#8221; come tsi' &#241;a'ta cha'a&#241; ji&#241;i wi&#241;icob ya' b&#652; chumulob mi caj i ts&#652;nsa&#241;ob cha'a&#241; ti' caj Rebeca come i t'ojol jax.</div><div class="p"> 8Che' b&#652; tsa'ix jal-ayob ya'i, ti jump'ejl b&#652; q'ui&#241; Abimelec i rey filisteojob che' b&#652; woli i q'uel pa&#241;imil ti' ventana, tsi' q'uele Isaac woli' jaxun Rebeca i yij&#241;am. 9Ji&#241;i cha'a&#241; Abimelec tsi' p&#652;y&#652; tilel Isaac, tsi' su'be:</div><div class="p">&#8212;Isujm Rebeca ji&#241;&#652;ch a wij&#241;am. &#191;Chucoch tsa' w&#652;l&#652; cha'a&#241; ji&#241;&#652;ch xch'oc b&#652; a wijts'in?</div><div class="p">Isaac tsi' jac'be:</div><div class="p">&#8212;Come tsa' c&#652;l&#652; tic pusic'al: &#8220;Tic'&#652;l mux i ts&#652;nsa&#241;o&#241;ob cha'a&#241; ti' caj Rebeca.&#8221;</div><div class="p"> 10Pero Abimelec tsi' y&#652;l&#652;:</div><div class="p">&#8212;&#191;Chucoch tsa' melbeyon lojon bajche' ji&#241;i? Tsa'ic i pi'le a wij&#241;am juntiquil wi&#241;ic tic lumal, tsa' w&#652;q'ueyon lojon c taj mul.#26.10 Ili t'a&#241; mi' y&#652;q'ue&#241;onla lac ch'&#652;mben isujmlel cha'a&#241; mi tsi' taja i mul juntiquil ti jump'ejl tejclum, laj a&#241; i mul mi' c&#652;lelob pejtelel wi&#241;icob x'ixicob che' bajche' mi laj q'uel ti ili texto tac (Ex 20.5-6; Dt 5.9-10; Jos 7.25-26; Neh 9.2).</div><div class="p"> 11Ji&#241;i cha'a&#241; Abimelec tsi' y&#652;q'ueyob mandar ti pejtelelob ji&#241;i xchumt&#652;l, tsi' y&#652;l&#652;:</div><div class="p">&#8212;Ji&#241;i mu' b&#652; i tic'lan ili wi&#241;ic o mi i yij&#241;am, isujm mi caj i ts&#652;ns&#652;ntel.</div><div class="p"> 12Isaac tsi' cha'le pac' ti ji&#241;i lum, ti ji&#241;i jach b&#652; ja'b tsi' taja i wut i p&#652;c'&#652;b ti jo'c'al ti jujump'ejl; lac Yum tsi' y&#652;q'ue ca'b&#652;l i wenlel. 13Tsa' sujti ti rico, tsa' wen p'ojli i chu'b&#652;a&#241;, tsa' ochi ti &#241;uc b&#652; wi&#241;ic. 14A&#241; i cha'a&#241; ca'b&#652;l t&#652;&#241;&#652;me' yic'ot ca'b&#652;l wacax yic'ot ca'b&#652;l x'e'telob i cha'a&#241;. Ji&#241;i filisteojob ts&#652;yts&#652;y&#241;ayob i pusic'al cha'a&#241; i chu'b&#652;a&#241; Isaac. 15Pejtelel ji&#241;i pozo tac tsa' b&#652; i y&#652;c'&#652; ti melol che' cuxul to Abraham i tat Isaac, ji&#241;i filisteojob tsi' bujt'iyob ti lum. 16Ji&#241;i cha'a&#241; Abimelec tsi' su'be Isaac:</div><div class="p">&#8212;Loq'ue&#241;ix ba'a&#241;on lojon, come &#241;umen ca'b&#652;lix a chu'b&#652;a&#241; bajche' jo&#241;on lojon.</div><div class="p"> 17Tsa' loq'ui Isaac ya'i, tsi' wa'choco pisil b&#652; i yotot ya' ti joct&#652;l i c'aba' Gerar; ya' tsa' chumle. 18Isaac tsi' cha' jam&#652; ji&#241;i pozo tac am b&#652; i ya'lel tsa' b&#652; i y&#652;c'&#652; ti mejlel Abraham i tat Isaac che' cuxul to; come ji&#241;i filisteojob tsi' laj bujt'iyob che' b&#652; tsa' ch&#652;mi Abraham. Isaac tsi' cha' aq'ue i c'aba' tac che' bajche' tsi' yotsa Abraham. 19Che' ba' ora i wi&#241;icob Isaac tsi' piquiyob pozo ya' ti joct&#652;l, tsi' tajayob cuxul b&#652; ja', 20ji&#241;i xc&#652;nta t&#652;&#241;&#652;me' ch'oyolo' b&#652; ti Gerar tsi' contrajiyob xc&#652;nta t&#652;&#241;&#652;me' i cha'a&#241; Isaac, tsi' y&#652;l&#652;yob: &#8220;C cha'a&#241;&#652;ch lojon ili ja'.&#8221; Ji&#241;i cha'a&#241; Isaac tsi' yots&#652;be i c'aba' ili pozo ti &#8220;Esek&#8221;#26.20 Esek: Yom mi y&#652;l: Leto. come tsi' contrajiyob i b&#652; cha'a&#241; ti' caj ji&#241;i pozo. 21Ti wi'il tsi' piquiyob yam b&#652; pozo. Tsi' cha' contrajiyob i b&#652; ja'el cha'a&#241; ti' caj ili pozo; ji&#241;i cha'a&#241; tsi' yots&#652;be i c'aba' &#8220;Sitna.&#8221;#26.21 Sitna: Yom mi y&#652;l: Xleto o tsi' contrajiyob i b&#652;. 22Tsa' loq'ui Isaac ya'i, tsi' piqui yam b&#652; pozo, pero ma'a&#241;ix tsa' tili i contraji&#241;ob cha'a&#241; mi' chilbe&#241;ob; ji&#241;i cha'a&#241; tsi' yots&#652;be i c'aba' ti &#8220;Rehobot&#8221;,#26.22 Rehobot: Ili t'a&#241; yom mi y&#652;l: Colem ili lum. Ji&#241;&#652;ch yom mi y&#652;l cha'a&#241; ma'a&#241;ix majqui mi caj i ch&#652;n contrajin. come tsi' y&#652;l&#652;: &#8220;W&#652;le lac Yum tsa'ix i coltayonla, ji&#241;i cha'a&#241; mi caj i p'ojlel lac chu'b&#652;a&#241; ti ili lum.&#8221;</div><div class="p"> 23Tsa' loq'ui ya'i, tsa' majli ti Beerseba. 24Ti ji&#241;i jach b&#652; ac'&#652;lel lac Yum tsi' p&#652;s&#652; i b&#652; ba'a&#241; Isaac, tsi' su'be:</div><div class="b"></div><div class="q1">&#8220;Jo&#241;on i Dioson a tat Abraham.</div><div class="q1">Mach a cha'len b&#652;q'uen, come a&#241;on quic'otet.</div><div class="q1">Mi caj c&#652;q'ue&#241;et i yutslel c t'a&#241; yic'ot mi caj c p'ojlesan a walobil</div><div class="q1">cha'a&#241; i c'uxbintel c wi&#241;ic Abraham.&#8221;</div><div class="b"></div><div class="p"> 25Ji&#241;i cha'a&#241; Isaac tsi' wa'chocobe i pul&#652;ntib i majta&#241; Dios ya'i, tsi' pejca lac Yum ti' c'aba'. Ya'i tsi' wa'choco pisil b&#652; i yotot. Ji&#241;i i wi&#241;icob Isaac tsi' piquiyob yam b&#652; pozo ya'i.</div><div class="p"> 26Abimelec tsa' loq'ui ti Gerar tsa' majli ba'a&#241; Isaac. Tsa' majli yic'ot i yamigo i c'aba' Ahuzat, yic'ot Ficol i capit&#225;n soldadojob i cha'a&#241; Abimelec. 27Isaac tsi' su'beyob:</div><div class="p">&#8212;&#191;Chuqui woli' tilel la' mel ba'a&#241;on che' ts'a' mi la' q'uelon yic'ot che' tsa' la' chocoyon loq'uel ba'a&#241;etla?</div><div class="p"> 28Tsi' y&#652;l&#652;yob:</div><div class="p">&#8212;Woli j q'uel lojon a&#241; lac Yum a wic'ot, ji&#241;i cha'a&#241; tsa' c&#652;l&#652; lojon: &#8220;Yom mi lac tem lac t'a&#241;.&#8221; Mi caj c&#652;q'ue&#241;et lojon xuc'ul b&#652; t'a&#241;:#Gn 21.22-34 29Ma'a&#241;ic mi caj a tic'la&#241;on lojon, come ma'a&#241;ic tsa' c tic'layet lojon ja'el; tsa' c melbeyet lojon chuqui uts'at yic'ot tsa' c chocoyet lojon majlel ti' &#241;&#652;ch't&#652;lel a pusic'al. A&#241; i yutslel i t'a&#241; lac Yum a wic'ot.</div><div class="p"> 30Ji&#241;i cha'a&#241; Isaac tsi' melbeyob q'ui&#241;ijel, tsi' cha'leyob we'el uch'el. 31Wen se'b to tsa' ch'ojyiyob, tsi' tem ac'&#652;yob i t'a&#241;. Ti wi'il Isaac tsi' chocoyob sujtel, tsa' loq'uiyob majlel ji&#241;i wi&#241;icob ti' &#241;&#652;ch't&#652;lelob i pusic'al.</div><div class="p"> 32Ti ji&#241;i jach b&#652; q'ui&#241; tsa' tiliyob i wi&#241;icob Isaac ya' ba'a&#241;, cha'a&#241; mi' su'be&#241;ob cha'a&#241; tsi' tajayob ja' ti ji&#241;i pozo tsa' b&#652; i piquiyob. 33Isaac tsi' yots&#652;be i c'aba' ji&#241;i pozo ti &#8220;Seba.&#8221;#26.33 Seba: Ti hebreo yoma lajal isujmlel che' bajche' ji&#241;i t'a&#241;: Wen ca'b&#652;l o ba' tsi' wa'chocoyob i t'a&#241;. Ji&#241;i cha'a&#241; i c'aba' ji&#241;i tejclum ji&#241;&#652;ch Beerseba#26.33 Beerseba: Ti hebreo ili t'a&#241; yom mi y&#652;l Pozo ba' tsi' wa'chocoyob i t'a&#241; o Pozo ba' tsi' y&#652;c'&#652; wuccojt t&#652;&#241;&#652;me' (Gn 21.30-31). c'&#652;l&#652;l w&#652;le.</div><div class="p"> 34Che' cha'c'alix (40) i ja'bilel Esa&#250;, tsi' p&#652;y&#652; Judit cha'a&#241; i yij&#241;am i yalobil b&#652; Beeri ji&#241;i heteo yic'ot tsi' p&#652;y&#652; Basemat, i yalobil b&#652; El&#243;n ji&#241;i heteo.#26.34 Ti Gn 36. 2-5 mi lac taj yam b&#652; i c'aba' tac x'ixicob tsa' b&#652; i p&#652;y&#652; Esa&#250; cha'a&#241; i yij&#241;am. 35Tsi' wen meleyob i pusic'al Isaac yic'ot Rebeca cha'a&#241; i yij&#241;amob Esa&#250;.</div>
 </div>
 </div>
</div>

Biblia de Estudio en Ch´ol de Tumbalá, Chiapas, México © Sociedad Bíblica de México A.C. Active Translation in Process 

Ti jim bʌ q'uiñ tsa' tili wi'ñal ti jiñi lum ba' chumul Isaac —Jiñi ñaxan bʌ wi'ñal tsa' ñumi che' cuxul to Abraham—, Isaac tsa' majli ti Gerar ba'añ Abimelec i rey filisteojob. Lac Yum tsi' pʌsʌ i bʌ ba'añ Isaac, tsi' su'be: “Mach ma' majlel ti Egipto; yom ma' chumtʌl ti jiñi lum ba' mi caj c su'beñet. Yom ma' wajñel ti jiñi lum maxto bʌ a cha'añic. Mi caj cajñel a wic'ot yic'ot mi caj cʌq'ueñet i yutslel c t'añ, come mi caj cʌq'ueñet yic'ot a p'olbal pejtelel ili lum. Mi caj c ts'ʌctesan jiñi t'añ tsa' bʌ c su'be Abraham a tat. Mi caj c p'ojlesan a p'olbal che' bajche' ec' ti panchan; mi caj cʌq'uen a p'olbal pejtelel ili lum; ti' tojlel a p'olbal mi caj i yʌq'ueñtelob i yutslel c t'añ wiñicob x'ixicob ti pejtelel pañimil, cha'añ tsi' jac'ʌ c t'añ Abraham, yic'ot tsi' mele pejtelel chuqui tac tsa' c su'be, tsi' jac'ʌ c mandar, yic'ot pejtelel j cʌntesa.”
Jiñi cha'añ Isaac tsa' chumle ya' ti Gerar. Jiñi wiñicob ya' bʌ chumulob ti jiñi lum tsi' c'ajtibeyob Isaac majqui jiñi x'ixic am bʌ yic'ot, Isaac tsi' yʌlʌ: “Jiñʌch xch'oc bʌ quijts'in,” come tsi' bʌc'ña i yʌl: “Jiñʌch quijñam,” come tsi' ña'ta cha'añ jiñi wiñicob ya' bʌ chumulob mi caj i tsʌnsañob cha'añ ti' caj Rebeca come i t'ojol jax.
Che' bʌ tsa'ix jal-ayob ya'i, ti jump'ejl bʌ q'uiñ Abimelec i rey filisteojob che' bʌ woli i q'uel pañimil ti' ventana, tsi' q'uele Isaac woli' jaxun Rebeca i yijñam. Jiñi cha'añ Abimelec tsi' pʌyʌ tilel Isaac, tsi' su'be:
—Isujm Rebeca jiñʌch a wijñam. ¿Chucoch tsa' wʌlʌ cha'añ jiñʌch xch'oc bʌ a wijts'in?
Isaac tsi' jac'be:
—Come tsa' cʌlʌ tic pusic'al: “Tic'ʌl mux i tsʌnsañoñob cha'añ ti' caj Rebeca.”
Pero Abimelec tsi' yʌlʌ:
—¿Chucoch tsa' melbeyon lojon bajche' jiñi? Tsa'ic i pi'le a wijñam juntiquil wiñic tic lumal, tsa' wʌq'ueyon lojon c taj mul.
Jiñi cha'añ Abimelec tsi' yʌq'ueyob mandar ti pejtelelob jiñi xchumtʌl, tsi' yʌlʌ:
—Jiñi mu' bʌ i tic'lan ili wiñic o mi i yijñam, isujm mi caj i tsʌnsʌntel.
Isaac tsi' cha'le pac' ti jiñi lum, ti jiñi jach bʌ ja'b tsi' taja i wut i pʌc'ʌb ti jo'c'al ti jujump'ejl; lac Yum tsi' yʌq'ue ca'bʌl i wenlel. Tsa' sujti ti rico, tsa' wen p'ojli i chu'bʌañ, tsa' ochi ti ñuc bʌ wiñic. Añ i cha'añ ca'bʌl tʌñʌme' yic'ot ca'bʌl wacax yic'ot ca'bʌl x'e'telob i cha'añ. Jiñi filisteojob tsʌytsʌyñayob i pusic'al cha'añ i chu'bʌañ Isaac. Pejtelel jiñi pozo tac tsa' bʌ i yʌc'ʌ ti melol che' cuxul to Abraham i tat Isaac, jiñi filisteojob tsi' bujt'iyob ti lum. Jiñi cha'añ Abimelec tsi' su'be Isaac:
—Loq'ueñix ba'añon lojon, come ñumen ca'bʌlix a chu'bʌañ bajche' joñon lojon.
Tsa' loq'ui Isaac ya'i, tsi' wa'choco pisil bʌ i yotot ya' ti joctʌl i c'aba' Gerar; ya' tsa' chumle. Isaac tsi' cha' jamʌ jiñi pozo tac am bʌ i ya'lel tsa' bʌ i yʌc'ʌ ti mejlel Abraham i tat Isaac che' cuxul to; come jiñi filisteojob tsi' laj bujt'iyob che' bʌ tsa' chʌmi Abraham. Isaac tsi' cha' aq'ue i c'aba' tac che' bajche' tsi' yotsa Abraham. Che' ba' ora i wiñicob Isaac tsi' piquiyob pozo ya' ti joctʌl, tsi' tajayob cuxul bʌ ja', jiñi xcʌnta tʌñʌme' ch'oyolo' bʌ ti Gerar tsi' contrajiyob xcʌnta tʌñʌme' i cha'añ Isaac, tsi' yʌlʌyob: “C cha'añʌch lojon ili ja'.” Jiñi cha'añ Isaac tsi' yotsʌbe i c'aba' ili pozo ti “Esek” come tsi' contrajiyob i bʌ cha'añ ti' caj jiñi pozo. Ti wi'il tsi' piquiyob yam bʌ pozo. Tsi' cha' contrajiyob i bʌ ja'el cha'añ ti' caj ili pozo; jiñi cha'añ tsi' yotsʌbe i c'aba' “Sitna.” Tsa' loq'ui Isaac ya'i, tsi' piqui yam bʌ pozo, pero ma'añix tsa' tili i contrajiñob cha'añ mi' chilbeñob; jiñi cha'añ tsi' yotsʌbe i c'aba' ti “Rehobot”, come tsi' yʌlʌ: “Wʌle lac Yum tsa'ix i coltayonla, jiñi cha'añ mi caj i p'ojlel lac chu'bʌañ ti ili lum.”
Tsa' loq'ui ya'i, tsa' majli ti Beerseba. Ti jiñi jach bʌ ac'ʌlel lac Yum tsi' pʌsʌ i bʌ ba'añ Isaac, tsi' su'be:

“Joñon i Dioson a tat Abraham.
Mach a cha'len bʌq'uen, come añon quic'otet.
Mi caj cʌq'ueñet i yutslel c t'añ yic'ot mi caj c p'ojlesan a walobil
cha'añ i c'uxbintel c wiñic Abraham.”

Jiñi cha'añ Isaac tsi' wa'chocobe i pulʌntib i majtañ Dios ya'i, tsi' pejca lac Yum ti' c'aba'. Ya'i tsi' wa'choco pisil bʌ i yotot. Jiñi i wiñicob Isaac tsi' piquiyob yam bʌ pozo ya'i.
Abimelec tsa' loq'ui ti Gerar tsa' majli ba'añ Isaac. Tsa' majli yic'ot i yamigo i c'aba' Ahuzat, yic'ot Ficol i capitán soldadojob i cha'añ Abimelec. Isaac tsi' su'beyob:
—¿Chuqui woli' tilel la' mel ba'añon che' ts'a' mi la' q'uelon yic'ot che' tsa' la' chocoyon loq'uel ba'añetla?
Tsi' yʌlʌyob:
—Woli j q'uel lojon añ lac Yum a wic'ot, jiñi cha'añ tsa' cʌlʌ lojon: “Yom mi lac tem lac t'añ.” Mi caj cʌq'ueñet lojon xuc'ul bʌ t'añ: Ma'añic mi caj a tic'lañon lojon, come ma'añic tsa' c tic'layet lojon ja'el; tsa' c melbeyet lojon chuqui uts'at yic'ot tsa' c chocoyet lojon majlel ti' ñʌch'tʌlel a pusic'al. Añ i yutslel i t'añ lac Yum a wic'ot.
Jiñi cha'añ Isaac tsi' melbeyob q'uiñijel, tsi' cha'leyob we'el uch'el. Wen se'b to tsa' ch'ojyiyob, tsi' tem ac'ʌyob i t'añ. Ti wi'il Isaac tsi' chocoyob sujtel, tsa' loq'uiyob majlel jiñi wiñicob ti' ñʌch'tʌlelob i pusic'al.
Ti jiñi jach bʌ q'uiñ tsa' tiliyob i wiñicob Isaac ya' ba'añ, cha'añ mi' su'beñob cha'añ tsi' tajayob ja' ti jiñi pozo tsa' bʌ i piquiyob. Isaac tsi' yotsʌbe i c'aba' jiñi pozo ti “Seba.” Jiñi cha'añ i c'aba' jiñi tejclum jiñʌch Beerseba c'ʌlʌl wʌle.
Che' cha'c'alix (40) i ja'bilel Esaú, tsi' pʌyʌ Judit cha'añ i yijñam i yalobil bʌ Beeri jiñi heteo yic'ot tsi' pʌyʌ Basemat, i yalobil bʌ Elón jiñi heteo. Tsi' wen meleyob i pusic'al Isaac yic'ot Rebeca cha'añ i yijñamob Esaú.

Լսել Génesis 26