Jenɨzɨzɨ 13
13
1-4Evɨramɨ angeba Betelɨna gɨlyɨvɨsajɨ jɨlɨkyaawaryajɨ maryagalaawɨna ya'. Yagalaawɨna yaka Gotɨyarɨna “Yɨlaaya yɨgalɨma!” daka “Su!” wɨda'.
Lotɨ Evɨramɨmɨ yagalya'ma'na yaa'.
(13:5-18)
5-13Evɨramɨ bulɨmakaawoya gɨlyɨvɨta naangejɨyai mwaala'. Nabaai Lotɨ bulɨmakaawoya gɨlyɨvɨta kɨnɨjɨyai avaalyaba mwaala'. Mwaalagɨlyaraare jɨlɨkyaawarya wapaaya nya'ne maalɨka wara'. Sa'na Evɨramɨmɨre jɨlɨkyaawarya maremwaaidɨvɨsara Lotɨmɨre jɨlɨkyaawarya maremwaaidɨvɨsara maanga dɨnyɨna ye'. Maanga dɨnyɨna kye' Evɨramɨ Lotɨmɨ wɨda' “Mayagaala madakanera! Pɨba kwaaka naanga warɨka. Gɨmɨ tuta pimagɨna dɨwona! Nɨmɨ pimagɨna wɨdera.” Sara kuda' Lotɨ waraata aalya Jothanɨ saba aalɨnakeba dara wangana' “Ai, Gotɨyare kwaaka tewaanyaba wa'dɨsɨ kɨrɨ' mwaaidɨ daaka? Gotɨyare wawɨnyabɨsabe,” daka Lotɨ walaawaka angeba Sothomɨ angeba Gamora aya kɨba mwaala'. Sothomɨ mwaalyarajɨ Gamora mwaalyarajɨ a'mwe kayaa'nanaangera mwaale'. Lotɨ kwalaawa' Evɨramɨ kwaaka Kainanɨ mwaalɨna ya'.
14-18Evɨramɨ mwaalɨna kya' Gotɨyai wɨda' “Pina pina dɨmaranganamarya! Yuyaba dangadeva gɨzaavɨdeinyɨ. Gɨmɨ tɨnna kwangana'gɨzɨ saba gɨmɨrebe. Nabaai gɨmɨre kaimɨraayara a'mwe naanga yɨma'nɨpɨ'derera. A'mwera kwaatɨrya ata gibɨ'de' mɨka. Gɨmɨre kaimɨraaya kwalaalya mwaaibɨzangɨ ata gibɨ'de' mɨka.” Mi'na kuda' Evɨramɨ kaanna yamarina yaka yɨ'darya Maamɨre yɨ'darɨgidɨkusaba mwaalaka Gotɨyarɨne simɨnye' lɨvalaaba'.
Jelenleg kiválasztva:
Jenɨzɨzɨ 13: byr
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© 2013, Wycliffe Bible Translators, Inc. All rights reserved.
