MARKUS 16
16
Linuatan ri Jisus
(Mat. 28:1-8; Luk. 24:1-12; Jua. 20:1-10)
1Kopongo orou Sabat, i Maria Magdalina, Maria ina' ri Jakubus am i Salomi minongoi pambali ra apa' maamis owou koson pakupilon ra baangkai ri Jisus. 2Paat ra orou minggu' i, nakasirang mato ru orou, minongoi ilo ra kalabangan. 3-4Paat ra ilo nangkiralan nansusunur ilo, “Osoi nua' mangindangan ritakau mampaluir ra batu pinaangob ra lobong i?” (Sabap ra batu i maayo toojo.) Kaa' pakasuku' ayuk ra giu' i, kakito nilo batu i naluir noyo. 5Umpos ilo ra lobong i. Ralalom i tampilon ra pamiris, nakito nilo mokoondo' sangulun ungkuyon mamulok nanturung, nambayang ra sukub ondo' mapulak, ginio ra ilo nakatigog.
6Ungkuyon i mindagu risilo, “Pai' kalaa'! Nakapandai aku maguyum kau ri Jisus ulun ru Nasarit ondo' sinalip i. Kalio Io ragiti. Binayag Io saguli'! Ilai', gitio intok napabantaan ra baangkai Nali. 7#Mat. 26:32; Mrk. 14:28Raino ongoyo' min balai' maamaya' Nali am i Pitrus niayuk. Balai' min, ‘Nagulu Io intor ramuyun mongoi ra Galilia. Giu' no makatuum kau Riso, koson ra rinagu Nali ramuyun.’ ”
8Ingkual ilo intor ra lobong i am pasimbul ilo sabap ra nakatigog am nalaa'. Kalo nagindagu ilo ra osoi ayuk pana sabap ra nangalaa' ilo.
PUPUS RU INJIL MARKUS SUMUGUT RA NASKHAH NAKALAIR#Kukula' naskhah am pangaligan ragu nakalair kolondo' tayar ragitio (ragu 9-20).
Minintalang i Jisus ri Maria Magdalina
(Mat. 28:9-10; Jua. 20:11-18)
[9Kopongo ra i Jisus binayag noyo saguli', ra iosusuab ra orou minggu', minintalang Io galing ri Maria Magdalina. (Intor ri Maria ti, igondo' i Jisus napaingkual ra tulu' riwato.) 10I Maria Magdalina minongoi pambala' ra rangan-rangan ri Jisus ra atan nasauk. Nanulaboi am nangulir ilo. 11Kaa' paat ra ilo nokorongog ra i Jisus naayag noyo am ra i Maria nakakito Riso, kalo nangintopot ilo.
Minintalang i Jisus ra ruo ngaulun maamaya' Nali
(Luk. 24:13-35)
12Kopongo ragili, minintalang i Jisus ra ruo ngaulun maamaya' Nali am minalui Io. Gitio nasauk paat ra ilo nangkiralan mongoi ra rondo' pamagunan. 13Saguli' ilo am pambala' ra baal ti ra rangan nilo. Kaa' ilo pana kalo nangintopot.
Minintalang i Jisus ra mopor am rondo' maamaya' Nali
(Mat. 28:16-20; Luk. 24:36-49; Jua. 20:19-23; Rin. 1:6-8)
14Pupus no, minintalang i Jisus ra koopor am rondo' maamaya' Nali paat ra ilo nangakan. Giu' i sinawai No ilo sabap ra kolondo' pangintapatan am mokotog ulu nilo saboi kalo nangintopot ilo ra ulun ondo' nakakito galama' ra Io naayag. 15#Rin. 1:8Indagu Io risilo, “Ugar kano ra titikop ru tana' ti, balai' min moonong ulun ra Tanou Moonsoi. 16Osoi ayuk mangintopot am riwon, io no bayagon; kaa' osoi ayuk kalo mangintopot, io no ukumin. 17Tatandu' ragitio sumumbaya' ra ulun ondo' mangintopot: Mampagiru' ilo ra riwato ralalom inggalan Kuno, mansusunur ilo ra ragu kalo maratian nilo. 18Amon ru mampaguut ilo ra kukuo kapoam manginum ilo ra tuwo, kolondo' karaat masauk risilo. Pabantaan nilo kalindu' nilo ra ulun marualan am ulun no mababas.”
I Jisus kinayang ra suruga'
(Luk. 24:50-53; Rin. 1:9-11)
19 #
Rin. 1:9-11
Kopongo ayuk ragu ri Jisus risilo, kayango' Io no ra suruga', am panturung Io ra pamiris ri Aki Kapuuno'. 20Ilo pana ugar mampabala' ra Tanou Moonsoi ra ati-ati ayuk, am Tuhan maya' pangandoi am mampainono' ra tanou no motopot ralalom ru tatandu' ondo' binaal nilo.]
PUPUS RU INJIL MARKUS SUMUGUT RA NASKHAH NAKALAIR RA BOKON#Kukula' naskhah am pangaligan ragu nakalair mokoondo' poyo ruo ragu ragitio.
[21 Tuum ruandu'-ruandu' no ri Pitrus am rangan-rangan nali am ontoso' nilo tunungo' ngaangai' ondo' pinabala' ru ungkuyon mamulok i risilo. 22 Kopongo raginio, intor ra sirangon mongoi ra kalasaan, pinabala' galing ra maamaya' Nano, i Jisus galama' nampabala' ra tanou ondo' mapasau am mantilayun, ioginio pamayagan ondo' sabuoi-buoi no.]
Jelenleg kiválasztva:
MARKUS 16: TMT
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Hakcipta © Bible Society of Malaysia, 2013.
