Johani 2
2
Jeso Wasandula Meenzhi kuba Waini
1Nikwakaita mazuba obile kwakaba bwinga mu munzhi wa Kana mu Galilaya, u baina Jeso kaliko, 2Jeso u ba shiciiya bakwe kabatambilwe kubwinga bobo. 3Inzho waini naakamana, baina Jeso wakamwaambila ati, “Waini wamana.”
4Jeso wakaingula ati, “Baama, utaakunshimwina cakucita. Ciindi cangu tacina kushika pe.”
5Baina Jeso wakaambila batwanga ati, “Mucite shoonse nshaakamushimwina.”
6Inzho awo kakuli matalo ali cisambomwi akaakubikwa meenzhi umbona buli ciyanza caba Juda cakulisalazha. Italo lyomwi kalizula intesho shosanwe shameenzhi. 7Jeso wakabaambila ati, “Amwaazuzhe meenzhi aza matalo.” Bakaazuzha woonse amulomo. 8Amane Jeso wakabaambila ati, “Amuteke meenzhi mwamana mwaatole kuli shikusengela.” Bakaateka ukwaatola. 9Ngoonaawo bakamupa shikusengela, naakasola, wakayana ati ngu waini, pele wiina naakazhiba nkuyakahwa. Batwanga bakateka meenzhi kabeezhi makani. Amane wakamwita shibwinga, 10wamwaambila ati, “Woonse muntu ulataanguna kusengela waini mubotu, abona ati batambe bakolwa, ndilelyo naasengela waini bulyo.” 11Jeso wakaacita maleele aakutaanguna mu munzhi wa Kana mucishi ca Galilaya, wakatondezha insana shabulemu bwakwe, u ba shiciiya bakwe bakamushoma.
12 #
Mat 4:13
Cimane ceco, Jeso u baina, u banina, u ba shiciiya bakwe bakaya ku Kapenaumi. Koko nkubakakala kwa mazuba mashoonto bulyo.
Jeso Wasalazha Iŋanda ya Leza
(Matayo 21:12-13; Maako 11:15-17; Luka 19:45-46)
13 #
Kul 12:1-27
Ipobwe lya kwiitilila lyaba Juda kalili afwaafwi, Jeso wakaya ku Jelusalemu. 14Mulubanza lwa ŋanda ya Leza wakayana bantu bamwi balauzha iŋombe, iimbelele, iinkwilimba. Bamwi kabali bashikucinca mali. 15Ngoonaawo wakapesa ciswepu caloozhi, ukubatanda boonse muŋanda ya Leza, antoomwi iimbelele iiŋombe shabo. Wakatataula mali a muwaya waya ngubakaakucincanya ulimwi wakapindamuna matebulu abo. 16Wakabashimwina babo bakaakuuzha inkwilimba ati, “Amushikushe! Muteeciti iŋanda ya Taata kuba cisambalilo!” 17#Inte 69:9Inzho ba shiciiya bakwe baazhibaluka Malembe aamba ati, busungu bwakufuna iŋanda yako bwanzonauna.
18Inzho bakando baba Juda bakeza kwakwe umubuzho wakuti, “Maleelenzhi nguukatutondezha aakatuzhibya ati ulyeelele kucita bolya?”
19 #
Mat 26:61; 27:40; Mk 14:58; 15:29 Jeso wakabaingula ati, “Amwiimwaye iŋanda ya Leza ndeezaka mu mazuba otatwe bulyo.”
20Ba Juda bakamwita ati, “Cakatutolela myaka iili makumi one u myaka cisambomwi kuzaka Iŋanda ya Leza yezhi, no uwe ulakonzha buti kwiizaka mu mazuba otatwe?”
21Pele walo kaamba mubili wakwe naakaamba iŋanda ya Leza. 22Ba shiciiya bakaazhibaluka aza makani ciindi Jeso naakabuka ku bafwu, ati anu nciceci ncaakaakwaamba. Bakaashoma Malembe oonse ukwaahumina mazwi oonse akaamba Jeso.
Jeso Uliizhi Mizeezo ya Bantu
23Jeso naakaakuli mu Jelusalemu, ciindi ce pobwe lya kwiitilila, bantu banji banji bakamushoma Jeso nibakabona shitondezho sha nsana nshaakacita. 24Pele Jeso wiina naakabashoma bantu, nkaambo kabezhi bantu boonse mbubabele. 25Ulimwi katazanda muntu naaba womwi kumupa bumboni bwa umwi, nkaambo walo mwini kezhi shakaakuli mu myonzo yabo.
Jelenleg kiválasztva:
Johani 2: ILL
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Ila New Testament © Bible Society of Zambia, 2015.
