Johani 1
1
Izwi Lyaba Muntu wa Mubili
1Ku makancilo kakuli Izwi. Inzho Izwi kali antoomwi u Leza, ulimwi Izwi kali Leza. 2Izwi kali u Leza ku makancilo, 3shoonse shintu shakaba kwiita mwakwe, kuti naatakaakwiko nikwaaakwiin a cintu niciba comwi ciliko. 4Bumi kabuli mwakwe, ulimwi bumi kooli mumuni ku bantu boonse. 5Mumuni ulamunika u mushinze, pele mushinze wiina niwakazunda.
6 #
Mat 3:1; Mk 1:4; Lk 3:1, 2 Kakuli muntu wakatumwa u Leza uutewa ati Johani. 7Johani wakeza kupa bumboni bwa mumuni wezu, kwaamba bantu boonse bashome kwiita mubumboni bwakwe. 8Johani walo ingwe wakaakuli Mumuni, pele wakeza kupa bumboni bwa Mumuni. 9Mumuni mwini mwini wezo uumunikila bantu boonse wakeza mu luundu.
10Izwi kali mu luundu, ulimwi luundu lwakalengwa kwiita mwakwe, nikuba bobo bantu bayina nibakamuzhiba. 11Wakeza ku bantu bakwe mwini, pele bantu bayina nibakamutambula pe. 12Pele bantu babo bakamutambula u kumushoma wakabapa insana shakuba banakwe Leza. 13Bayina nibakaba banakwe Leza kwiita mukuzhalwa kuhwa ku mubili, nikuba kuluzando lwa muntu, pele kunsana sha Leza.
14Inzho Izwi wakaba muntu, wakazhalwa ku mubili, wakeza kukala akati kesu, ulizwile luse u lushinizho. Uswe twakabubona bulemu bwakwe, bulemu bwashimuzhalwa ice kwa Ushi. 15Johani wakapa bumboni kwiita mumulumbe ngwaakakambauka ati, “Inguwe wezu ngundakaakwaamba ati, ‘Uuzhiza munshi lyangu ulambaala, nkaambo kaliko kale ume ncitana kuzhalwa!’”
16Ukaambo kabube bwakwe buzulile, uswe twakatambula luse lunji lunji. 17Nkaambo Leza wakapa Mulawo kwiita mwa Mozesi, pele luse u lushinizho lwakeza kwiita mwa Jeso Kilisito. 18Kwiina naaba womwi wakamubona Leza. Cita Leza ice nana, walo uuli afwaafwi U ushi, nguwakatuzubululila Ushi mbwaabele.
Bumboni Bwaka Johani Mupapatizhi
(Matayo 3:1-12; Maako 1:1-8; Luka 3:1-18)
19Mbubobu bumboni mbwaakapa Johani kuba Juda, ciindi nibakatuma bapaizhi u Balevi kuhwa ku Jelusalemu, kwaamba bakamubuzhe ati, “No ndiweni?”
20Walo wiina naakakaka, wakabaingula cakushomeka ati, “Indime Kilisito Munanike waka Leza!”
21 #
Mal 4:5;
Ciz 18:15, 18 Ulimwi bakamubuzha ati, “No ndiweni? Sa ndiwe Elaija?” Walo wakaingula ati, “Pe pe indime.” Ulimwi bakamubuzha ati, “Sa uli Mushinshimi?” Ulimwi Johani wakaingula ati, “Pe pe!”
22Bakamubuzhisha ati, “Tushimwine, no ndiweni, kwaamba tukabashimwine batutuma.”
23 #
Aiz 40:3
Johani wakaingula ati, “Ndime wezo ngwaakaamba mushinshimi Aizaya ati,
“Kuli uuwolobwezha mulukula ati,
‘Amululamike Inzhila ya Mwami!’”
24Inzho babo bantu bakatumwa kuba Falisi, 25bakamubuzha ulimwi ati, “No nkaamboonzhi ulapapatiza naa tuli Kilisito, ulimwi tuli Elaija naa Mushinshimi.”
26Johani wakabaingula ati, “Ume ndamupapatiza u meenzhi bulyo. Pele akati kenu ngaali ngumutezhi. 27Uzhiza munshi lyangu, walo ngunteelele kuba muzhice wakwaangulula twaanzho twa mpato shakwe.” 28Aza makani oonse akacitikila ku munzhi wa Betani, uuli amutala wa lweenje lwa Joodani, momo Johani mwaakaakupapatiza.
Mwanaa Mbelele wa Leza
29Nibwakaca Johani wakoombona Jeso uleza kwakwe, ngoonaawo wakamwaambila ati, “Amubone Mwanaa Mbelele, uukusha shibi shaluundu! 30Inguwe ngundakaakwaamba ati, Uuzhiza munshi lyangu ulambaala, nkaambo kaliko kale ume ncitana kuzhalwa. 31Ume lwangu cintamwizhi, pele nciceco ncindakezhila kupapatiza u meenzhi kwaamba azubululwe kuba Izilaili.”
32Ulimwi Johani wakapa ubumwi bumboni bwakuti, “Ndakabona Moza Usalala uleza buseluka kuhwa kwizeulu ukoya inzhiba, weza wamukala. 33Ume lwangu ncitana kumuzhiba, pele Leza wezo wakantuma kupapatiza u meenzhi wakaŋambila ati, ‘Kufwumbwa muntu nguukabona ulaselukilwa ukukalwa u Moza wa Leza, ati inguwe wezo uupapatiza u Moza Usalala.’ 34Inzho ume ndimwini ndakalibonena, nciceco ncimpela bumboni bwakuti, wezu ngu Mwanakwe Leza.”
Ba Shiciiya baka Jeso Bataanzhi
35Nibwakaca Johani wakaakuzhimine ulimwi u ba shiciiya bakwe bobile. 36Naakamubona Jeso ulaya bweenda wakaamba ati, “Amubone nguwelya Mwanaa Mbelele wa Leza!” 37Ba shiciiya babo bobile nibakaateelela azo makani bakamucilila Jeso. 38Jeso naakacebuka wakababona baleza bumucilila, amane wakababuzha ati, “No mulazandaanzhi?” Bakamwiingula ati, “Labi, anu ulakala kwi?” Labi, cilapandulula ati Mwiiyi. 39Jeso wakaamba ati, “Kamwiza mubone.” Kalili kale lyakumbo, bamane bakaya aze kuya kubona nkwaakaakukala. Bakalibizha koko nkukona nkaambo kalimanine kale izuba. 40Umwi wa babo bobile bakamuteelela Johani naakaakwaamba kali Andulu, munina Saimoni Pita. 41Ndilyona Andulu wakaya kumukapula munina Saimoni, wamwaambila ati, “Twamuyana Munanike waka Leza” leli izwi lilaamba Kilisito. 42Amane wakamutola Saimoni kwa Jeso. Jeso wakamutongomwena wakaamba ati, “Ndiwe Saimoni mwanakwe Johani, pele ulaakutewa ati Kefasi.” Ceci cilaamba ati Pita naa “Mwala.”
Jeso Mbwaaketa Filipo u Natanyele
43Nibwakaca Jeso wakatelaika kuya ku Galilaya, koko nkwaakayana mulombwana uutewa ati Filipo amane wamwita ati, “Ncilila!” 44Filipo kali waku Betisaida koko nkubakaakukala ba Andulu u Pita. 45Filipo wakayana Natanyele, amane wakamwaambila ati, “Twamuyana muntu ngwaakalemba Mozesi mwibuka lya Mulawo. Inguwe nguulembelwe umu mabuka a bashinshimi, ngu Jeso waku Nanzaleta mwanakwe Jozefu.”
46Natanyele wakabuzha ati, “Sa amo mu Nanzaleta mulakonzha kuhwa cintu cibotu?” Filipo wakamwiingula ati, “Kweza ukalibonene umwini.”
47Inzho Jeso naakamubona Natanyele uleza nkwaabele, wakaamba ati, “Nguwezu muna Izilaili mwini mwini, uutacengi!” 48Natanyele wakoombuzha ati, “No wanzhiba buti?” Jeso wakaingula ati, “Ndaukubwene kale niwaakushite mucinhule ca bukuzu Filipo katana ukwita.”
49Ngoonaawo Natanyele wakamwaambila Jeso ati, “Mwiiyi, ndiwe Mwana Leza! Ndiwe Mwami wa Izilaili!”
50Jeso wakamwaambila ati, “Sa washoma bobo nkaambo ndakwaambila ati ndakubona niwaakushite mucinhule ca bukuzu? Ulakabona shintu shikando kubaala ali ceci!” 51#Mata 28:12Ulimwi Jeso wakaamba ati, “Cini cini ndamushimwina ati, mulakalibona izeulu liliyalukile u baanjelo baleza balaliza ukuseluka a Mwanaa Muntu.”
Jelenleg kiválasztva:
Johani 1: ILL
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Ila New Testament © Bible Society of Zambia, 2015.
