Népszerű bibliai igeversek innen: Yohanes 16

Megosztás

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

Tamaka nahumato kaowu Rohino Lahataꞌala meowano kabanara, Anoamo so matokoomu mandeꞌaoꞌomu sabhaha kabanara. Anoa paise napugau namaiꞌao ne Wutono, tamaka o ae maka dua nefetingkeno namohatoangkoeꞌomu. Namebhihitaiꞌangkoomu dua so kumadhadhiaꞌano mada kaowu.

Ampa oleo itu miinaꞌo konimesaloomu weo neaku. Dadiꞌanomo tamesalomoomu, tetewei tumahimaeꞌomu neanomo nasumangkamo kawulano lalomiu.

Wambaku ini nokotuꞌu, so hintimiu nakofahalaa akumala bhe paisea. Kapaꞌamo ane pae akumala, Rohi Fotulumino pae namaiꞌikoomua, tamaka ane akumala, atumudue namai ne hintimiu. Nahumato kaowu Rohi maitu, miendo dhunia namoꞌinsafuanda dhosando, o kabanara bhe kabhotusino Lahataꞌala.

Pedamo dua anaꞌa hintimiu, aitu mosabhaomu tamaka mada kaowu apowoha toha bhe hintimiu bhe naowula lalomiu. Bhe naseemie pae bhe so magoino kawulano lalomiu naꞌa. Ne oleo anaꞌa paise sepaliꞌa meenaomu ne Idi. Amohatokoomu, kotu-kotuꞌu o ae maka dua nesalomiu ne Amaku weo neaku, tetewei namaꞌangkoeꞌomu.

Amohatokoomu, kotu-kotuꞌu mada kaowu hintimiu moꞌaeꞌomu, mekaꞌuleiꞌomu tamaka dhunia naoꞌia. Daanumo mosabhaomu, tamaka kasabhamiu itu naembali kawulano lalo.