Népszerű bibliai igeversek innen: Yohanes 15

Megosztás

Idimo ini puꞌuno angguru, hintimiu haꞌaꞌino. Sasuka seꞌiseno bhe Idi, Idi aseꞌise bhe anoa, anoa maitu nabhahi bhakeno; kapaꞌamo we simbaliku paise meafa-afaomua.

Seꞌiseomu bhe Idi, o Idi aseꞌise bhe hintimiu. Haꞌano angguru miina nakobhake maiꞌao ne wutono, simbali notai ne puꞌuno angguru. Pedamo dua hintimiu paise kobhakeomu, ane paise seꞌiseomu bhe Idi.

Ane hintimiu seꞌiseomu bhe Idi bhe kafoinaꞌuku naeate we totono lalomiu, maka tamesalomoomu ampa kapoindalomiu maka tetewei umawaeꞌomu.

Suano hintimiu mili kanau, tamaka o Idi milikoomu. Idimo tumudukoomu kumalaomu so nobhahiꞌao bhakemiu bhe sadaa-daa kantarano, neanomo o ae maka dua so nesalomiu ne Amaku weo neaku namaꞌangkoeꞌomu.

Miina nandumandoo kanini kaasi moliuno kanini kaasino seemie potahoꞌaono inawano so sabhangkaꞌino.

Sasuka haꞌaku tapa kobhakeno nolakoe, tamaka sasuka haꞌaku kobhakeno nofekanggelaꞌie so nodhuluꞌao kabhahino bhakeno.

Ainiꞌaemo pahintaku, pomoa-moasiꞌaoꞌomu peda kaasiku ne hintimiu.

Ane nabhahi bhakemiu, natiwohamo kakalabhiano Amaku. Nadamo anaꞌa hintimiu kotu-kotuꞌumo anaguhuꞌiku.”

⸤ Ambano toha Yesus⸥ “Idimo ini puꞌuno angguru sakotuꞌuno, Amaku kopuuane.

Sasuka tapa seꞌiseno bhe Idi daꞌumohoe we simbali nada haꞌano sau maka nakekele. Mada anaꞌa damoꞌonue maka daꞌumohoe weo efi sampe notitawu.

Kosasawiꞌae ini afohatoangkoeꞌomu neanomo kawulano laloku naeate we lalomiu bhe kawulano lalomiu nasumungku.

Ane mangkafiomu pahintaku, maka meateomu weo kanini kaasiku. Pedamo dua anaꞌa Idi aeate weo kanini kaasino Amaku kapaꞌamo aangkafi pahintano.

Pedamo aini pahintaku ne hintimiu: pomoa-moasiꞌaoꞌomu.”

Ane hintimiu maiꞌaoꞌomu ne dhunia, tetewei dhunia damasiangkoomu peda fehebuaꞌando. Tamaka padamo apilikoomu, dadiꞌanomo hintimiu suanomo fehebuaꞌano dhunia, katibansiꞌamiumo ne dhunia.