Népszerű bibliai igeversek innen: Mathew 19

Megosztás

Wa i Jesus me sagaragira we vet muneira wa, Amaira tanun ŋaŋ tete lai ran iloke, nava amen God o savasava ŋaŋ te lai.

O manigiu si gate irara rua mulaŋ nake, nava o visogoi tuwale. Pa si ta tamaine, o sava God me viletuwale o tanun nipea vilewora.

Naŋ ti valuira, ti vava wa, Pa kamiu gate vasogo tiqa si i gene me tiŋ alo qetegiu ran ma me tiŋira o mereata wa o tavine, wa me vet wa si, O manigiu o ike o tanun te toavtag i tamana tana ravevena, wa te kata apen rasoana; wa irara rua te mun visogoi tuwale?

Nava i Jesus me vava wa si, Tur ukeg ira natmera ma, wa turpea gato gorora nan wa mule ma sur inau; ape o marana tavunana norasei qe tama ineira.

Wa we qoqo te tagir legonia we moai ilokenake; wa we moai pa te tagir legonia.

Wa isei ta toavtag naimana, si tasina, si tutuana, si tamana, si ravevena, si rasoana, si ranatuna, si navanuana, o manigiu nasasak, ni te taur vaga melnol, wa te taur usurag mona o esu galava apena.

I Jesus me vava munia wa, Si ko qe maros we toga taurmate ran, mule, ŋarag reag pulama o savasava, wa ka tirag munra masara ŋaŋ, wa ko te taur moma o moegene vawo tuka; wa ka van ma, qara tataga inau.

Naŋ ti vava munia wa, Ape sava gai ko we varus nau ape we wia? I tuwale ran we wia, i God nane. Pa si ko qe maros we mule pata ilo esu, ka kokor moma o lea vatraŋ ŋaŋ.

Wa na we vava mulaŋ mun kamiu, Si we togawora mun o kamel sin kalo raveaglue o mate nidel, nan mun o meresom sin kalo pata lai ilo marana non God.

Pa na we vet mun kamiu wa, Si isei qe gevtag i rasoana, wa gate ape pakapaka, wa sin qe lag o tavine we sea, ni we pakapaka; wa i gene mulaŋ we lag o tavine me gevtagia ti we pakapaka.

Naŋ i Jesus me vet munra tiŋqoro anana wa, We nun na we vava mun kamiu, Si we gona mun o meresom sin mule pata ilo marana tavunana.