Népszerű bibliai igeversek innen: Seemthawhnak 39

Megosztás

BAWIPA cu Josef hemah a om ih mi hlawhtlingpa a cang; Izipt mi a bawipa inn ahcun a om.

Curuangah a ngeihmi hmawhhmawh cu Josef a kilkhawisak; Josef om nihmawh, a awkmi caw simlo ituhman siaherh awk a ngei lo. Josef cu cuancai ṭha leh zohco a ii.

Thawngtla uktu ni thawnginn ih thawngtla an zate Josef ih zokhen hngai dingin a siah, culeh acunangih thiltimi itupoh cu amah ih hruainak in ti a ii.

Culeh Josef cu a bawipa ni siangphahrang ih thawngthlak mipawl an kharkhum nak thawng ah a thla; Josef cu acui thawnginn ahcun a om. Ihmansela BAWIPA cu Josef hemah a om ih a hmunmi dawtnak a hemah a lansak; thawngtla uktu ih mithmuh ah mithmaiṭha a ngahsak.

Culeh caan tawilio hnukah a bawipa ih nupi ni a parah hiamnak mit in a zoh ih, “Ma metpi tu hmen,” tiah a ti. Ihmansela Josef ni a al ih a bawipa ih nupi cu, “Zoh hman, kei ka om hi ka bawipa cu a inn sungah itu thuhla hman siaherh awk a ngei lo, cun a ngeihmi izongza ka kut ah a sia. Ani hi hi inn sung a’cun kei vanin a pipadeuh cuang lo, cun namah rori simlo cu ma ap lo’n a supmi ituhman a om lo, icatile nang cu a nupi na ii hepa’n. Ituruangah hmen ahi hrokhrawlnak hnempi hi vua in Pathian parah cu ka sual thiam lei?” tiah a ti.

Ni khat belte cu, inn sungah a rian ṭuan dingin a tat ih hu pace hman inn sungih an om lo lioah Potifar ih nupi ni a angki pawnthuah in a tlaihtia ih, “Ma metpi tu hmen!” tiah a ti. Ihmansela a partlai cu a bawinu ih kut ah matain a leeu, cun pawnla ah a zuang.