Népszerű bibliai igeversek innen: LUCAS 7

Megosztás

Sese aipo a'e ndeu ko angaipa gwasu vɨreko va'e kuña oipɨsɨ ite ñeröisa, esepia vɨreko ite poroaɨsusa tuvicha va'e che rese; akoi ava upe nañeröisa tuprɨi va'e, a'e ndoporoaɨsu tuprɨi avei. Ipare aipo e'i kuña upe:–Nde angaipa rese oime ñeröisa ndeu.

Jesús rumo aipo e'i iri kuña upe:–Nde yeroyasa che rese erereko va'e pɨpe ereipɨsɨ pɨsɨrösa. Sese eso tuprɨño eiko.”

A'eve oyase'o iteanga oñenopɨ'ä Jesús pɨve oso ichui opa tuprɨ gwesaɨ pɨpe omoakɨ̇. Ipare opa omombiru o'a pɨpe ichui, iyavei oipɨrupɨte, oipɨyere avei mba'e sɨäkwä va'e ipɨ rese.

sese ni'ä che teiete ndaikatui aso va'erä nde reka. Emondo mborokwaita, a'ese che rembigwai okwerara. Esepia che avei ni'ä aiko mborokwaita ɨvate katu va'e povrɨve, iyavei areko sundao che povrɨve. Aipo a'ese ñepëi ipa'ü pendar upe eso, a'e oso voi ete; ambuae upe aipo a'ese erio, a'e ou voi ete iyavei ayokwaise che rembigwai oyapo va'erä mba'e, a'e oyapo ite.” Jesús ndoyembovɨ'ai tëi o'ä aipo renduse, ipare oma'egätu ava vupindar rese aipo e'i:–Supiete Israel ve ndipoi ete ko mbɨa nungar vɨreko va'e yeroyasa che rese.

A'e arɨ pɨpeve voi Jesús ombogwera seta ava imba'erasɨsa sui, ava karugwar rerekosar sui aveino. Ombogwera avei seta ava ndasesapɨsoi va'e. Ipare rumo omboyevɨ chupe:–Peso pemombe'u Juan upe mba'e pesepia va'e pesendu va'e avei. Pemombe'u chupe ndasesapɨsoi va'e osareko tuprɨ kurïtëi, ipäri-päri va'e ogwata tuprɨ, iyavei mba'erasɨ vai rerekosar okwerapa tuprɨ, ndayapɨsai va'e avei yapɨsapa, omano va'e opa okwerayevɨ yuvɨreko iyavei ava iparaɨsu va'e upe imombe'usa ñe'ësa avɨye va'e.