Népszerű bibliai igeversek innen: LUCAS 8

Megosztás

Akoi mba'e rä'ɨi seitɨprɨ ɨvɨ avɨye va'esave, a'e inungar ava vɨreko va'e pɨ'a ñemoñetasa avɨye va'e iyavei oyemoigätu voi ete sendu agwä yuvɨreko oyapo ite ñe'ësa avɨye va'e remimbotar, iyavei oñemovɨräkwä katuño ite, oyapo avei mba'e avɨye va'e.”

Mba'e rä'ɨi seitɨprɨ yu pa'ü rupi, a'e inungar akoi osendu va'e ñe'ësa yuvɨreko, mbegwe-mbegwe rupi rumo oipɨ'añemoñeta mokañɨ seraso, mba'e eta potaraisa pɨpe iyavei yuvɨrekoi pota teko vɨ'asa pɨpe tëi, egwë e'i aveira sembiapo ndipoi chietera rumo mba'e avɨye va'e.

Mba'e rä'ɨi seitɨprɨ ita pa'ü rupi, a'e inungar akoi ava osendu va'e ñe'ësa avɨye va'e iyavei oipɨsɨ ovɨ'aretesa pɨpe, a'e rumo ndovɨrekoi gwapo ovɨräkwä tuprɨ agwä oyese; vɨroya raimi tëi yuvɨreko, oyepotase rumo tekoa'äsa arɨ chupe ipare opaño oyepepɨ yuvɨreko ichui.

Ipare aipo e'i gwemimbo'e eta upe:–¿Ma'erä vo ndapeyeroyai che rese?A'e rumo osɨkɨye iyavei ndoyembovɨ'ai tëi, ichui oporandu-randu tëi avei oyeupe yuvɨreko:–¿Uma pi'ä ko mbɨa sekoi, esepia ni'ä ɨvɨtuai paragwasu avei omboyeroya?

iyavei mba'e rä'ɨi perɨ rupi seitɨprɨ, a'e inungar akoi ava osendu va'e ñe'ësa avɨye va'e, ipare rumo ou karugwar chupe vɨrokwapaño ipɨ'a pɨpe sui, tovɨroya eme iyavei toñepɨsɨrö eme oyapave.

Esepia ndipoi chietera mba'e ñomiprɨ ndikwasai va'erä kuri, ndipoi avei mba'e imombe'upɨre'ɨ̇ ndikwasai va'erä, a'e avei opa rane itera ikwasa koiye.”

A'e kuña, osepiase ndoikatui ete oñemi, sese orɨrɨi oñenopɨ'ä Jesús rovai oso. Oyemombe'u chupe opakatu ava rovake ma'erä opoko sese, esepia ni'ä okwera ite omba'erasɨsa sui. Jesús aipo e'i chupe:–Che rayrɨ, erekwera ite kurïtëi che rese ndeyeroyasa pɨpe. Sese eso tuprɨ eiko.

Evokoiyase yuvɨraso Jesús moma'e, aipo e'i yuvɨreko chupe:–¡Porombo'esar! ¡Porombo'esar! ¡Yande rerasora moko ɨarusu ɨpɨve!Jesús opü'a ipare oñe'ë pirätä ɨvɨtuai upe ɨ o'ɨtu va'e upe avei, ichui opakatu tuprɨ opɨtu'u mba'e naporäi va'e.