Népszerű bibliai igeversek innen: Mr 5

Megosztás

Iꞌsuᵽaka kõᵽakãꞌã, wayuĩarimaji imarĩ, ikuᵽaka kore kẽrĩka: —Mae miaꞌmitiᵽe yiwãyuĩaiko. Yire yiꞌriwaꞌri, jia mijayu. “Risirika yireka oꞌyua”, ãrĩwaꞌri jĩjimaka miᵽeꞌriwaꞌᵽe mae,== kore kẽrĩka.

Naꞌrika watoᵽekarã ĩꞌrãko wãmarĩa imakakore imaeka. Ĩꞌᵽoũꞌᵽuarãeꞌearirakakuri wejejẽꞌrãka koeyawaꞌrika ᵽuꞌuriweaᵽi kaꞌwisijũabaraka. Ᵽaᵽemarĩa ĩkobaarimajare kore nikobaarũjekoᵽeka. Suᵽa imarĩ sawaᵽa koniñerũ imakoᵽeika kõjiᵽataeka. Suᵽa kobaakoꞌomakaja jãꞌrĩbaji kojaririjarika.

Torãjite ᵽuꞌuriwea koreka oꞌrika mae. “Risirika yireka imakoᵽeika oꞌyua mae”, kõrĩwãrũeka.

Naka kãkatirã koᵽitakarã kore ñiꞌatirã, —Talitá cum,== kore kẽrĩka. (Mokareka ᵽuri ikuᵽaka ãrĩrika simaeka, “Meꞌrõ, mimiꞌmibe, mire ñañu”, ãrĩrika suᵽa kore kẽrĩka.)

Ᵽoto judíorãka rẽrĩriwiꞌi ĩᵽamaki, Jairo wiꞌiakarãre etaeka, ikuᵽaka Jairore ãrĩrĩ: —Mimako ᵽuᵽaririkoꞌoko. “Yimakore mibayaᵽe”, merĩaꞌsi wãrõrimajire mae,== kire narĩka. Iꞌsuᵽaka simakoꞌomakaja, —Baꞌiaja ᵽuᵽaribekaja, yire miyiꞌᵽe,== Jesúre kire ãrĩka.

Suᵽa imarĩ, ikuᵽaka Jesúre kire ãrĩka: —Miaꞌmitiᵽe Satanárika ima. Ĩꞌĩ ᵽuᵽakareka mimarõꞌõᵽi miᵽoᵽe,== kire kẽrĩka. Iꞌsuᵽaka kẽᵽakãꞌã, —Jesús, Tuᵽarã tẽrĩritaki imatiyaiki Maki mime. ¿Marãkãꞌã yire baaerã mibaayu mae jeꞌe? Tuᵽarãre ĩaika wãjitãji, “ ‘Baꞌiaja mibaaika ᵽareaja baꞌiaja mire baabesarãki yiꞌi’, yire meᵽe”,== akasererikaᵽi Satanárika ima ñaꞌrĩjãikakire ãrĩka Jesúre. Iꞌsuᵽaka kẽᵽakãꞌã ikuᵽaka Jesúre kire ãrĩka: —¿Marãkãꞌã miwãmea?== Kire kẽᵽakãꞌã, —Rĩkimarã baꞌirã yija ima simamaka Legión ñime.==