Pi Gwo Desizyon Nan Lavi Ou!Egzanp

“Batèm dlo: Yon deklarasyon piblik de yon lavi ki chanje”

Batèm dlo se yon fason enpòtan pou deklare sali ou piblikman. Batèm dlo selebre lafen yon ansyen fason viv ak kòmansman yon nouvèl vi. Jezi te anseye enpòtans batèm dlo a disip Li yo anvan asansyon Li nan syèl la apre rezireksyon. Li te di,

“Ale fè disip pou mwen nan tout nasyon, batize yo nan non Papa, Pitit la ak Sentespri a.” Matye 28:19

Nan tout Nouvo Testaman an, gen anpil istwa sou kwayan ki te batize. Batèm dlo gen yon siyifikasyon senbolik alafwa pou moun ki batize a, ak moun k’ap obsève yo. Batèm dlo a reprezante piblikman: lafen ansyen mòddevi w la lè ou imèje nan dlo a; kòmansman nouvo lavi nan Kris ou an lè ou soti netwaye, pirifye nan dlo a, epi yon nouvèl kreyasyon nan Bondye.

Lik 3:3 reprezante batèm dlo a kòm yon “batèm repantans,” epi li mete aksan sou enpòtans pou deklare piblikman ke nou vire do bay ansyen lavi nou an ak peche. Byenke batèm dlo a pa sove nou ni kouvri peche nou, li reprezante yon pati ki enpòtan anpil nan lavi Kretyèn nou - yon deklarasyon ke ou se yon nouvèl kreyasyon, yon lavi ki chanje! Si ta gen yon moun ki pa bezwen fè deklarasyon sa, se te Jezi, ki te viv yon lavi san peche isit sou latè. Men Lik 3:21 di,

“Lè tout moun te fin batize, Jezi te batize tou.” Lik 3:21

Jezi te batize pou ou te ka swiv egzanp Li. Enpòtans batèm dlo a pa ka egzajere. Si ou pa ko batize nan dlo, ou ta dwe konsidere fè batèm dlo a yon priyorite. Labib la enstui nou pou nou fè yon deklarasyon piblik de sali nou, epi pifò legliz ki kwè nan Labib bay anpil opòtinite pou batize. Lè ou swiv egzanp Jezi, se toujou yon pwopozisyon ki genyen. Bondye ap beni ou an abondans epi rekonpanse ou pou fidelite ak obeyisans ou anvè Li!