Pran aplikasyon anPi Gwo Desizyon Nan Lavi Ou!Egzanp
“Bondye te kreye ou ak etènite nan lespri li”
Lè Bondye te kreye nou, Li te gen yon plan pou plis pase 70 oswa 80 tan egzistans nou. Li te gen yon objektif presi pou chak nan lavi nou. Plan li kouvri alafwa lavi nou sou latè, ak lavi nou nan syèl la (oswa lavi etènèl) la. Jak 4:14 dekri diferans ant de aspè sa yo nan egzistans nou. Li di,
“Kisa lavi ou ye (sou latè)? Li parèt pou yon ti tan, apre sa li disparèt.” Jak 4:14
Ou konn tande dikton, “Lavi a kout.” Nan limyè letènite, li kout! Labib di,
“...tout moun gen dwa pou mouri yon sèl fwa, apre sa y’ap fè fas ak jijman an.” Ebre 9:27
Nou tout ap soumèt ak yon lanmò fizik. Men lanmò fizik la se sèlman lafen kò fizik nou, se pa nanm nou. Nanm nou, oswa egzistans konsyans nou k’ap viv andedan kò nou, etènèl. Nanm nou ap pase tout letènite nan youn oswa de kote apre lanmò fizik nou: Syèl oswa Lanfè.
Syèl se paradi etènèl kote Bondye abite.
Lanfè se separasyon konplè ak Bondye.
Nesans natirèl nou nan mond sa se pa’t sèlman kòmansman lavi kontanporen, fizik nou sou latè, men tou, lavi espirityèl nou isit la ak pi lwen pandan tout letènite. Kidonk, nan limyè letènite a, gen moun ki ka gade lavi nou sou latè tankou yon bagay ki pa gen valè, men senpleman sa pa vre. Destine etènèl ou an detèmine an reyalite pa desizyon ou pran pandan tan ou isit la sou latè; sa ki pi enpòtan, desizyon pou fè Jezi Kris vin Seyè lavi ou. Sali a disponib pou nou atravè Jezi Kris, e se atravè Li sèlman nou ka chanje destine nou pou pase letènite separe ak Bondye, pou pase letènite ak Bondye nan Syèl la. Jezi di:
“Mwen se chemen ak verite ak lavi a. Pèsonn pa ka ale jwenn Papa a si li pa pase nan mwen.” Jan 14:6
Desizyon nou pran nan lavi nou sou latè enpòtan pou lòt rezon tou. Fason nou viv antanke kwayan ka gen yon efè sou destine etènèl lòt moun ki pa ko konnen Jezi Kris kòm sovè yo. Chak jou, sila ki antoure nou yo ap gade egzanp nou k ap viv pou Kris. Antanke Kretyen, Bondye itilize chak nan nou pou pote syèl la pou sila ki antoure nou ki pa ko konnen Li. Jezi di:
“Nou se limyè mond lan...kite limyè nou briye devan lèzòm, pou yo ka wè bon zèv nou yo epi y’ap fè lwanj Papa nou ki nan syèl la.” Matye 5:14-16
Konsènan Plan sa a
Pifò desizyon nan lavi konte pou yon bagay. Men, gen youn ki konte plis. Si w’ap chèche yon gid senp pou yon konpreyansyon ki pwofon sou desizyon ekstraòdinè sa - kado sali gratis Bondye a - alò, kòmanse la.
More
Nou ta renmen remèsye Twenty20 Faith, Inc. Ministries pou bay plan sa a. Pou plis enfòmasyon vizite: http://www.twenty20faith.org/youversionlanding
