Pi Bon Envestisman Ou!Egzanp

“Aplike prensib Bondye yo chak jou”

“Pawòl ou se chandèl ki fè m’ wè kote m’ap mete pye m’, se yon limyè k’ap klere chemen mwen.” Sòm 119:105

Pou Kretyen yo, Pawòl Bondye a bay kouran ki limen nan sa ki kèk fwa ka yon mond fè nwa. Pawòl Bondye ap vin sous limyè sa sèlman si nou ouvri pou verite li epi pèmèt li penetre byen fon nan lavi nou. Jezi dekri sa nan yon parabòl nou jwenn nan Matye: 

“Yon moun soti pou l’ale simen grenn nan jaden l’. Antan l’ap simen grenn yo, kèk grenn tonbe bò chemen an: zwazo vini, yo manje yo. Yon pati grenn tonbe nan mitan wòch, kote ki pa t’ gen anpil tè. Grenn sa yo leve byen vit, paske yo pa t’ antre fon anba tè a. Men lè solèy la chofe, li boule ti plant yo, yo seche paske rasin yo pa t’ fon. Yon lòt pati tonbe nan mitan pikan. Pikan yo grandi, yo toufe bon ti plant yo. Men yon pati ankò tonbe nan bon tè; yo donnen. Genyen ki bay san grenn, lòt bay swasant, lòt bay trant.” Matye 13:3-8

Semans nan istwa a reprezante Labib, epi diferan kondisyon tè a reprezante preparasyon ak volonte nou pou resevwa Pawòl Bondye. Remake se pa tout semans moun nan te plante yo ki te pwodui rezilta li t’ap chèche a; se sèlman semans ki te siman nan bon tè a. Li Matye 13:18-23 pou eksplikasyon Jezi sou istwa a. Kiltive “bon tè” nan lavi nou vle di ke nou pèmèt Pawòl Bondye pou penetre panse nou epi enfliyanse motivasyon ak atitid kè nou. 

“Pawòl Bondye a gen lavi, li gen pouvwa.  Li pi file pasekouto de bò. Li koupe jouk li jwenn kote nanm ak lespri moun fè youn, jouk kote vyann ak mwèl zo kontre. Li jije tout santiman ak tout lide nan kè moun.” Ebre 4:12