Pi Bon Envestisman Ou!Egzanp

“Apèsi Labib”

Labib plen ak prensip, enstriksyon klè ak egzanp enpòtan de fason pou viv yon lavi ki ekilibre, akonpli, epi beni antanke yon Kretyen. Nan reyalite, Pawòl Bondye pa janm, ni li p’ap janm san enpòtans, kèlkeswa tan ak sezon ki chanje yo, epi li disponib pou prepare epi ekipe nou pou reyalize obektif Bondye nan lavi nou.

“Tout sa ki ekri nan Liv la, se nan Lespri Bondye a yo soti. Y’ap sèvi pou moutre moun verite a, pou konbat moun k’ap fè fot, pou moutre ki jan pou yo viv byen devan Bondye.” II Timote 3:16-17

Ou ka panse de Labib tankou yon ekspresyon ekri ki vini de Bondye, e tout sa Li reprezante pou limanite. Men kèk pwen pou ede ou defini kisa sa vle di: 

1 - Labib se ekspresyon tanjib lanmou Bondye. Li pale de atribi ak karaktè Li, kominikasyon ak kòmandman Li, epi finalman ekspresyon lanmou konplè li pou chak moun ki te janm viv. 

2 - Labib se enspirasyon Bondye. Byenke 66 liv Labib yo te ekri fizikman pa anpil otè, chak moun te enspire dirèkteman pa Bondye atravè Sentespri a pou ekri sa yo te ekri a. 

3 - Labib se otorite Bondye pou lavi nou. Finalman, akoz Labib se “lèt” Bondye pou limanite, epi ekriti li genyen ladan l yo se enspirasyon Bondye, Pawòl Li yo pote menm otorite sou lavi nou ke Bondye Li menm. 

Pawòl Bondye se youn nan fondman ki pi enpòtan pou kwasans espirityèl ak matirite nou nan Bondye. Pou kite semans Pawòl Bondye a fleri nèt nan lavi nou, nou dwe plante semans sa yo lè nou li li, devlope konpreyansyon nou de li, epi aplike li nan lavi nou.