Ou Gen Yon Priyè!Egzanp

“Sis kle pou yon lapriyè sen epi ekilibre - Pati de”

4. Eksprime bezwen ak dezi pèsonèl ou bay Bondye, epi mande Li reponn yo. “Manje nou bezwen an, ban nou li jodi a...”

Lanmou Bondye pou ou pwofon, san fen epi san kondisyon, ke yo souvan konpare nan Labib la ak yon konpasyon lanmou yon papa pou pitit li. Li vle tande pitit Li (ki se ou menm); Li vle tande sou lavi ou, bezwen ak dezi ou, epi Li vle ou vini vè Li menm pou bezwen sa yo. Lanmou li pou ou fè li beni ou plis ke ou ka janm espere. 

5. Mande Bondye padone ou de peche ou yo, se pou ou konsyan de bezwen ou pou padone lòt moun ki te ka fè ou mal. “Padonnen tout sa nou fè ki mal, menm jan nou padonnen moun ki fè nou mal.”

Mande Bondye padone nou peche nou yo kòmanse ke nou rekonèt peche sa yo nan nou menm, epi apre sa nou konfese yo bay Bondye. 

“Si nou rekonèt devan Bondye nou fè peche, li fidèl epi jis epi L’ap padone nou de tout peche pou netwaye nou de sa ki mal.” I Jan 1:9

Ou ka asire ke Bondye te padone ou epi netwaye ou de peche ou yo. Avèk padon sa, genyen libète tou de kilpabilite, wont ak kondanasyon. 

Men Bondye mande nou tou, menm jan li padone nou, pou nou padone moun ki ka te fè nou mal. Menm jan lè nou resevwa padon nan men Bondye sa pote libète, se menm jan lè nou padone lòt moun - sa libere de amètim, rankin, ak kite pase blese nou pou kontinye fè nou mal. 

Padon, alafwa lè ou resevwa ak lè ou bay li, fondamantal pou viv yon lavi libète nan Kris. 

6. Priye pou Bondye gide ou pou ede ou evite tantasyon ak sitiyasyon kote ki ka pa reflete byen sou Li. “...pa kite nou nan pozisyon pou’n tonbe nan tantasyon, men, delivre nou anba satan.”

Bondye te padone peche nou epi netwaye nou de tout inikite jan li te pwomèt nan Jan 1:9 la, men nou toujou rankontre tantasyon, lè n’ap viv nan mond dechi sa. Pati sa nan Priyè Seyè a mete aksan sou enpòtans pou nou pa senpleman rete epi vin konfòme ak padon Bondye ban nou an, san nou pa konsyan de enpòtans pou evite peche alavni.  Byenke Bondye retire pèn espirityèl peche lè Li padone nou, Li pa retire konsekans mal peche a nesesèman. Pou rezon sa, li enpòtan pou priye pou Bondye ede ou evite tantasyon.

 

Chak jou, kòmanse bay Bondye nenpòt kantite tan ou pran plezi pou ba Li nan lapriyè. Bondye pa gen yon kota pou ou respekte chak jou. Anplis, l’ap difisil kèk fwa pou rete vijilan epi evite “Pa dekouraje”, konnen Bondye ap beni ou lè ou angaje tan ou pou Li nan Lapriyè!