Ou Gen Yon Priyè!Egzanp

“Lapriyè pèsonèl”

Priye ansanm avèk zanmi, oubyen fanmi men jis priye anvan yon repa se fason ki eksepsyonèl pou kominike ak Bondye nan yon kad ki pi piblik. Men anplis pou patisipe nan priyè komen, Bondye vle nou patisipe nan yon priyè pèsonèl, ki pi pratik epi prive tou - sèlman ant ou menm ak Bondye. Jezi te di sa konsènan privasite nan priyè nou: 

“Men lè w’ap lapriyè, antre nan chanm ou. Fèmen pòt ou. Lapriyè Papa ou ki la pou kont li avè ou. Konsa, Papa ou menm ki wè sa ou fè an sekrè a, se li ki va ba ou rekonpans ou.” Matye 6:6

Enstriksyon Jezi pou nou priye pòt fèmen an endike ke Bondye enterese nan fason entim epi pèsonèl nan lavi nou. Dezi Li se pou ranfòse relasyon pèsonèl nou avèk Li atravè kominikasyon pèsonèl. Bondye pran nòt de angajman pou genyen amitye prive avèk Li, e Li pwomèt pou rekonpanse epi beni ou. 

Bondye vle tou pou nou sensè epi ouvè nan kominikasyon nou avèk Li, menm jan nou t’ap fè ak yon pwòch. Pandan memorize lapriyè mo pou mo se yon pratik ki salitè, laverite sèke Bondye dezire ekspresyon nou menm ki vrè pou Li nan plas jis yon seri mo nou te memorize. Jezi te di sa konsènan senserite nan priyè nou: 

“Lè w’ap lapriyè, pa plede repete yon bann pawòl pou gremesi. Se konsa moun lòt nasyon yo fè. Yo mete nan tèt yo Bondye va tande yo si yo pale anpil (repetisyon vid). Piga nou fè tankou moun sa yo. Paske, Papa nou tou konnen sa nou bezwen anvan menm nou mande li.” Matye 6:7-8

Byenke Bondye deja konnen sa nou bezwen ak vle anvan nou mande, Li toujou vle nou eksprime demann sa yo ba Li ak senserite ak lespwa ke Li genyen sa ki pi bon pou nou nan lespri Li. Li dezire reponn chak priyè ak lanmou ak fidelite. 

Yon lòt eleman enpòtan nan lapriyè pèsonèl se pèsistans ak konsistans. Bondye pa janm fatige tande demann nou yo, menm lè se menm sa nou te eksprime ba Li anvan an. Jezi te di sa konsènan pèseverans nan priyè nou: 

“Mande, y’a ban nou. Chache, n’a jwenn. Frape, y’a louvri pou nou. Paske, nenpòt moun ki mande va resevwa. Moun ki chache va jwenn. Y’a louvri pou moun ki frape.” Matye 7:7-8

Mete sou kote yon moman chak jou pou kominikasyon pèsonèl ak Bondye enpòtan pou grandi nan mach Kretyen nou. Eseye chwazi yon moman chak jou lè ou p’ap distrè, epi pa enkyete ke Bondye gen yon revèy l’ap verifye pou wè konbyen tan ou ba Li; Li pa genyen. Li sèlman vle ou menm. Privasite, senserite ak pèseverans se twa karakteristik ki enpòtan anpil pou moman lapriyè pèsonèl ak Bondye epi sa ap ede ou konstui yon relasyon entim avèk Li. W’ap vin pran plezi nan moman presye sa, epi w’ap vin depann de li nan yon fason ou pa't janm ye anvan.