Pran aplikasyon an9 Manti komen kretyen yo kwè: Pati 2 nan 3Egzanp
Dapre diksyonè Merriam-Webster, mo paradòks vle di: "yon deklarasyon ki aparamman kontradiktwa oswa kontrè ak bon sans e poutan ki ka vre". An reyalite, sa ki sanble yon bagay moun fou nan mond lan se reyalite a menm ki pwoklame pouvwa Bondye a. Lè w konpare prensip Bondye fè yo, ak prensip monn nan itilize, tout bagay sanble tèt anba. Anwo vin anba. Gòch la se dwa. Sa ki mal se bon. Yon tirê pwofesyonèl pa menm frape sib la. Genyen vin pèdi. Dènye a se premye a. Epi viv se mouri.
Men kèk bèl egzanp paradòks nan Bib la:
Pou yon moun egzalte, li dwe gen imilite "Desann nou devan Bondye, Bondye va leve nou." (Jak 4:10). "Se poutèt sa, soumèt nou devan Bondye ki gen pouvwa, konsa l'a leve nou lè pou l leve nou an" (1 Pyè 5:6).
Pou w gen fòs, ou dwe fèb. "Chak fwa, li reponn mwen: Se favè m ase ou bezwen. Paske lè ou fèb, se lè sa a moun wè pouvwa mwen nan ou. Se poutèt sa, nan fon kè m'', mwen pito pale sou feblès mwen pou pouvwa Kris la ka mete m' anba zèl li. Se sa k' fè tou mwen kontan anpil lè m' santi m' fèb, lè y'ap joure m', lè m' nan lafliksyon, lè m' anba pèsekisyon, lè m' nan difikilte, lè m'ap sibi tou sa akòz Kris la. Paske lè m' fèb, se lè sa a mwen gen fòs" (2 Korent 12:9-10).
Pou resevwa, ou dwe bay. "Mwen moutre nou ki jan pou n' travay di nan tou sa n'ap fè pou n' ka ede pi fèb yo, pou nou toujou chonje pawòl Senyè a ki te di ak pwò bouch li: Gen plis benediksyon pou moun k'ap bay pase pou moun k'ap resevwa" (Travay 20:35).
Pou viv, ou dwe mouri. "Men si, okontrè, ak pouvwa Lespri Bondye a, nou touye egzijans lachè, n'ap gen lavi" (Women 8:13). "Toutotan enfliyans li ap moute, se pou enfliyans pa mwen ap desann" (Jan 3:30).
Paradòks levanjil sa yo ka mete bay anpil konfizyon e poutan yo bèl anpil.
Kesyon Refleksyon:
Ki paradòks ki te ankouraje w' plis? Ki jan lè w' konsantre sou sa a ka ranfòse kwasans espirityèl ou?
Verite:
Gen yon wout ki sanble bon pou mond lan, epi gen yon wout ki dwat pou Senyè a. Toujou chwazi chemen Granmèt la olye ke chemen mond lan.
Konsènan Plan sa a
Petèt Bondye pa moun ou panse Li ye a. Petèt Li pi bon. Meditasyon sa a pral ede idantifye kèk pawòl kretyen ap di, ke nou toujou tande men ki se manti yo pa biblik. Pawòl sa yo ka sanble inosan, men se danje pou lafwa nou epi fè twòp kretyen pa ka grandi nan lavi espirityèl yo. Aprann konfwonte manti sa yo ak verite Labib anseye sou Bondye pou nou ankouraje e pou nou libere lavi nou.
More
