Pran aplikasyon an9 Manti komen kretyen yo kwè: Pati 2 nan 3Egzanp
Èske w konn santi Bondye pa renmen w? Petèt ou santi li pa pran swen ou. Sa yo se manti.
Bondye renmen ou ak yon lanmou pafè. Li motive pa lanmou agape li pou kreyasyon li a epi li aji kòmsadwa. Agape se yon mo Grèk pou dekri yon lanmou san mezi ki prè pou fè sakrifis. Yon lanmou agape se kalite lanmou ki toujou asosye ak lanmou Bondye ak fason Li pwolonje lanmou pafè sa a nan kreyasyon L' yo. Sa a se kalite lanmou ke nou pa p janm konnen oswa eksperimante si nou lwen Bondye. Nou pa ka jwenn li nan men lòt moun, paske yon lanmou natirèl yon moun enferyè devan lanmou agape.
Pifò relasyon moun baze sou yon lanmou kondisyonèl, donk si w fè sa m vle, lè sa a m' ap renmen w. Si ou renmen mwen, lè sa a m' ap renmen w' tou. Okontrè, lanmou Bondye san kondisyon. Li renmen nou lè nou echwe. Li menm gen kapasite pou renmen moun ki pa renmen L.
Se yon lanmou Bondye te ban nou lè nou pa t merite l. Li ban nou li e li pa atann pou nou remèt li, paske nou pa t janm kapab. Sa se vrèman yon kalite lanmou enkondisyonèl. « Sou pwen sa a, Bondye moutre nou jan li renmen nou anpil. Paske nou te nan peche toujou lè Kris la mouri pou nou. » (Women 5:8 HAT98)
Ou pa bezwen travay anpil pou fè Bondye renmen ou, paske Li deja renmen ou pwofondman, pafètman, epi san kondisyon. Li te renmen ou anvan ou te menm gen chans fè yon bagay pou Li. Li te menm renmen ou anvan Li te kreye ou. Pran yon moman pou ti moso verite sa a byen rantre nan tèt ou.
Ou panse Bondye pa pran swen ou? Li te renmen ou anvan Li te kreye ou! “Byen lontan anvan Bondye kreye lemonn, li chwazi nou nan Kris pou nou kapab viv apa pou li, pou nou san repwòch devan li. Nan renmen li renmen nou an, Bondye te deside depi davans pou li adopte nou pou pitit li nan Jezikri, paske sa fè li plezi.” (Efezyen 1:4–5 HAT98).
Kesyon Refleksyon:
Kisa agape vle di? Èske w etranje oswa abitye ak konpreyansyon sa a de lanmou?
Verite: Ou pa bezwen travay di pouw fè Bondye renmenw, paske Bondye deja renmenw pafètman.
Konsènan Plan sa a
Petèt Bondye pa moun ou panse Li ye a. Petèt Li pi bon. Meditasyon sa a pral ede idantifye kèk pawòl kretyen ap di, ke nou toujou tande men ki se manti yo pa biblik. Pawòl sa yo ka sanble inosan, men se danje pou lafwa nou epi fè twòp kretyen pa ka grandi nan lavi espirityèl yo. Aprann konfwonte manti sa yo ak verite Labib anseye sou Bondye pou nou ankouraje e pou nou libere lavi nou.
More
