Wenía 6
6
Yora ichnávaĩti ivo yoã
1Yora revokaĩi maitioi peás ikí, aĩvakẽ vakeyávo. 2Askái Yové Koĩni vakevõ#6.2 Hebraicõ vana “Yové Koĩni vakevo”, atõ arí chinãro “yové ichnárasĩ” keská, wetsã chinãro “Setẽ revomatirasĩ”, aká aĩvo roakachtavo oĩinã, atõ arí chinãnese ninivarãvarãvo. 3Atõ askámaĩnõ, Yavé vanai. “Yoraro veí namisho, ẽ chinã vari aatíikai atonĩ niátĩpa. Ramaro 120 varise ato shokõnõ”, ikí.
4Aatiã shavapa, aaivo maĩ, “nefilim”, atõ aká ivorasĩ aya.#6.4 Hebraicõ vana “Nefilim”, ikí wetsã chinãkiro, yora chinã “keskápá”, wetsã chinãro “nĩkãsmavo”, aká Aská txipo askásevioi. Awesáma, Yové Koĩni vakevõ shavorasĩ ninivarãvarãsho atõ vake iáa, yorã oĩtanáka kakatai shokovo.
5Askái yora chinã ichnávaĩi, ichnái tapisvo ato oĩki Yavepa. 6Atõ aská oĩinã ãwẽ shovimati yorarasĩ “ẽ awe ismtákĩ”, ikĩ ato oĩki. Askái ãwẽ chinã neneyai nii. 7Askái vanai. “Ẽ shovimati yora, maĩ noyõ ikiya, maĩ meshoya, yoini peiyavo akárasĩ ato keyosnõ. Awesáma, eã ato shovimatisemẽkĩ, ‘ẽ awe ismtákĩ’, iinã ẽ ikírvi”, ikí. 8Askámaĩnõ Noéro anõ mekíi.
Noepa rãtxa yoã ivo
9Noepa revomarasĩ yoãnáro neskáti. Noéro chinã meki ivo yora, Yové Koĩnĩ tasánanãpaóa, avé shaváyaivorasĩ keskáma. 10Askái vakerasĩ 3 revomakĩ, atõ anero “Sem, Cam, Jafé” aatíi.
11Askái aatiã yorarasĩ ichnávaĩi, askatase arímamẽ ranĩnanãi shokovo oĩki, Yové Koĩni. 12Askái yorarasĩ ichnái tavákepatõ ikí shokovo oĩinã, 13Noé vana akĩ. “Ramaro naaivo mai shavapa shokoyavorasĩ ato ẽ keyokatsa, ashkã ranĩnanãi maí maí isvo oĩinã. Askái yorarasĩ, mai õsiki ato ẽ keyokatsa. 14Askámaĩnõ, miãro, iwi cipreste ivo kavẽsho, rãtxa anipakĩ shovimavaikĩ, karovi pae txapi ashõ anõ vestotso, petxirisho nakirisho avévakĩtso. Aská avaikĩ naki paró akõvaĩtso. 15Ãwẽ rãtxa keyá tanáshokĩro 133 metros, ãwẽ shotxi akĩro 22 metros, ãwẽ pespã ivoro 13 metros atso. 16Aská akĩ matxi peno ashõ, aa teróchta ãwẽ kene shavá sawẽketakĩro 45 centímetros atso. Askáki amari ãwẽ pespãnero kepoti westíkase sawẽi, ãwẽ mai iinakaĩa 3 aoi, wetsaro teró, wetsaro naki kawãya, wetsaro matxika aatii atso.
17Awesáma, ene ẽ yonokatsa, mai shavatióki enẽ ivo ainakĩ, ashkã chinã vii shokoya ave keyonõ iinã. Katsése keyókatsavo. 18Askámaĩnõ miaro ẽ neská akatsai, tekísma ivo vana mia ẽ eneshoa. Mia, mĩ aĩ, mĩ vakerasĩ, atõ aĩvorasĩ aatii rãtxã weikatsavo. 19Askámaĩnõ, yoinavorasĩ katsése, atõ aĩnĩ ashõ weimaótso, mivé ave pashanõvo. 20Yoini õsi õsipa katsése, peiyavo, venekavo, maĩ noyõ ikiyavo, maĩ meshoyavo atõ aĩnĩ ashõ mivé pashai vẽ vẽkatsavo. 21Askámaĩnõ, mã piti, yoinavorasĩni piti aká kawii weimatso, mã piti chinãsho”, akĩ Yové Koĩni.
22Askái Noepa katsése Yové Koĩni yonoa keskáse ashõti.
Chwazi Kounye ya:
Wenía 6: YKV
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Active: © Wycliffe Bible Translators, Inc. All rights reserved