Wenía 5
5
Adãone revomati ivo yoã
1Adãomẽsho revoarasĩ yoãnáro neskáti. Aatiã Yové Koĩni ãwẽ yora vimaki aa keská akĩ yora shovimati. 2Venenĩ aĩvo shovimashõ, vana roapa ivo netãsho, “yora”, akĩ ato aneti.#5.2 Hebraicõ vanã ikíro “Adam”
3Askái, Adão 130 varinamãsho, vake wetsa ãwẽ yora keská merasho, “Sete” akĩ aneki. 4Sete merasho, 800 vari tavái nishõ, venevakerasĩ, aĩvakerasĩ aká ato meraóti. 5Katsékase 930 vari tavái nishõ vopiti.
6Setero 105 varinamãsho, ãwẽ vake Enos merati. 7Enos merasho, 807 vari tavái nishõ, venevakerasĩ, aĩvakerasĩ aká ato meraóti. 8Katsékase 912 vari tavái nishõ vopiti.
9Enosro 90 varinamãsho, ãwẽ vake Cainã merati. 10Cainã merasho, 815 vari tavái nishõ, venevakerasĩ, aĩvakerasĩ aká ato meraóti. 11Katsékase 905 vari tavái nishõ vopiti.
12Cainãro 70 varinamãsho, ãwẽ vake Maalalel merati. 13Maalalel merasho, 840 vari tavái nishõ, venevakerasĩ, aĩvakerasĩ aká ato meraóti. 14Katsékase 910 vari tavái nishõ vopiti.
15Maalalelro 65 varinamãsho, ãwẽ vake Jarede merati. 16Jarede merasho, 830 vari tavái nishõ, venevakerasĩ, aĩvakerasĩ aká ato meraóti. 17Katsékase 895 vari tavái nishõ vopiti.
18Jaredero 162 varinamãsho, ãwẽ vake Enoque merati. 19Enoque merasho, 800 vari tavái nishõ, venevakerasĩ, aĩvakerasĩ aká ato meraóti. 20Katsékase 962 vari tavái nishõ vopiti.
21-22Enoquero Yové Koĩnĩ tasánanãi nipawa. 65 varinamãsho, ãwẽ vake Metusalém merati. Metusalém merasho, 300 vari tavái nishõ, venevakerasĩ, aĩvakerasĩ aká ato meraóti. 23Katsékase 365 vari tavái niti. 24Askái Yové Koĩnĩ tasánanãi nishõ, txipokiri oĩnaoimai manósti, Yové Koĩni viátõsho.
25Askámaĩnõ Metusalémro 187 varinamãsho, ãwẽ vake Lameque merati. 26Lameque merasho, 782 tavái nishõ, venevakerasĩ, aĩvakerasĩ aká ato meraóti. 27Katsékase 969 vari tavái nishõ vopiti.
28Lamequero 182 varinamãsho vake venevake meraóti. 29Venevake merasho “Noé”, akĩ anevai vanai, “Yavepa mai veí netãti ivonamãsho mee itĩ yomãnai nõ shokomaĩnõ, noke tenemakatsaiya ivo vake merái”, ikí Lameque.#5.29 Hebraicõ vana “Noé” ikíro “tenemáa” keská 30Aská akĩ Noé merasho, 595 vari tavái nishõ, venevakerasĩ, aĩvakerasĩ aká ato meraóti. 31Katsékase 777 vari tavái nishõ vopiti.
32Askámaĩnõ Noéro 500 vari tavái nishõ, ãwẽ vakerasĩ Sem, Cam, Jafé aatii ato merati.
Chwazi Kounye ya:
Wenía 5: YKV
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Active: © Wycliffe Bible Translators, Inc. All rights reserved