2Mos. 1
1
Tai Israel tupaoreiji ka Misir
1 #
1Mos. 46:8-27
Nene te oninda tatogat Israel siei ka Misir pasamba si Jakob samba leu sangalalepda senesenenda, oninda iate: 2Ruben, Simeon, Lewi samba Jehuda, 3Isakhar, Zebulon, Benjamin, 4Dan, Naftali, Gad samba Asyer. 5Muntogat Jakob nenda sangamberitda pitu pulu sia. Tapoi si Josep aiatnia mukuddu ka Misir. 6Lepa geti tata' si Josep, samba sasarainania samba leu sangamberi simakere reddenannia. 7#Pugap. 7:17-19 Makakrarangan tai Israel samba tamomoi tuadde igitda; tuppainangan igitda, bailiunangan tobbou laggai Misir sun sarat sia.
8Lepa geti sara rimata sibau sitaiagai si Josep muparenta ka Misir. 9Kuanangan rimata ka siberikabaga, “Tai Israel nenda bulat maigi sia samba sia peile maigi ka sita. 10Kau tagalaiake katubutda kabagat patuat, bule ta ituppai igitda samba, bule bara pasaggangan ta rapatadde tubutda ka saggakta rasaggangi sita, lepa kaddiuakerangan laggai nene.” 11Iageti sangamberi tai Misir masiuddetnake sipasijajago tai Israel addeat masipaokkip purimanuaiatda ka pugagalai simasane'. Kaurangan sia masigalai laggai Pitom samba Raamses kudduat pangoirikat bibilet Rimata Parao. 12Tapoi iapei raorei sia tai Misir, iapei ituppai igitda tai Israel, samba iapei ramakakra ka sangaliot tobbou laggai nenda, pat malotorangan tai Misir katubutda. 13Lepa geti Misir makopenangan rapaoreiji simakope tai Israel, 14samba galairangan tai Misir rapangorik simakope tai Israel, rakau sia mugalai simasane, iate masigalai batu bata samba leu senengamata galajet simasane.
15Lepa geti rimata Misir masikau parenta katubut Sifra samba Pua, rua simatukkle masirop sangamberi tainanalep Ibrani sipususule'. 16“Kuanangan rimata Misir, “Kateteret nuropake kam tainanalep tai Israel sipususule', repdep kam nene,” Ke toga sipututu mata nenda simanteu, mateiake kamnia! Ke toga sipututu mata nenda sinanalep, obaake kam ipurimanua.” 17Tapoi sirua sinanalep nenda sirimanua simaloto ka Taikamanua. Ta' raoba masigalaiake parentat rimata Misir samba masiobake sangamberi toga simaruei mututu mata taimanteu murimanua. 18Iageti rimata Misir masisogai sirua bidan nenda samba masirere' sia, “Angoi nuobaake rapurimanua tatoga taimanteu?”
19Alegirangannia, “Tainanalep tai Israel ta kele tainanalep tai Misir. Bulat maron tubutda. Kepei mei kai amututuan matat togatda.” 20Iageti galainangan Taikamanua simaeru katubut rua sinanalep nenda; makopenangan igitda tai Israel samba memei itutuppai igitda. 21Ruatda sinanalep nenda maloto sia ka Taikamanua, iageti kaunangan sia rapulalep. 22Lepa rimata masikau parenta nene ka sangamberi taikaumania. “Senen toga simanteu tai Ibrani simaruei mututu' mata buita turibbaiake kabagat oinan Nil, tapoi sangamberi toga sinanalep momoi tuobaake murimanua.”
Chwazi Kounye ya:
2Mos. 1: MWV
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
@LAI 2015