LUKA 10
10
Isu my abangnai leaung 72reichi ai pato nai
1Naibaly huni pajau khala y Areng my khumi takhra leaung vui saryhreichi ai vawi i, mymy i chei ai tau nai avang tleirei hawi, meingtym tleirei y mymy i mo mang y leaung nyh leaung nyhrei ai pato. 2Naibaly mymy ly nichi teng y, “Choh tyn ai nai neangneang awm, na i py kalop sa nai keungchi ly di ala; hunaibaly kalop sa ai nai keungchi ai mymy i choh tyn ai naira y pato ai nai hlau keung teng y takeng u.#Mt 9.37–38 3Chei u, khen cham, kasui theung y beram cho awm nai kamta kang pato nai bo he.#Mt 10.16 4Tangka yh hawi jibo hawi phainai py syn u moh, lam sala y ami ai preng u praw moh.#Mt 10.7–14; Mk 6.8–11; Lk 9.3–5 5Naibaly nangchi i kun nai yhm tleirei y, ‘Hini yhm y ly awmnem nai tym sy,’ nanai thui u man. 6Naibaly hu y awmnem nai chanau awm baly, nangchi i awmnem nai leu ly ni i tlang tleaung y tym ai; awm y baly nangchi i tlang tleaung y ali teang ai. 7Huni yhm y awm u jojo ly, nichi my ang pei nai ngierei ly cho nei u; kalop sa nai keung ly vang nga ai nai ataing.#1 Kor 9.14; 1 Tim 5.18 8Yhm tleirei lyp u moh. Naibaly nangchi i kun nai avang ngierei y ang kawn baly, nichi my ang sawn pi nai ngierei ly cho u; huni i avang y no naichi ai py hawi so pi; naibaly nichi teng y, 9‘Tameuh i peang nai ly nangchi ahawi y tym bo,’ tapi. 10Na i py nangchi i kun nai avang tleirei y nangchi ai kawn y baly, huni i lam y tako u iy,#Ataw 13.51 11‘Nangchi avang i spryh kaichi i kheu padawi y akau nai ly nangchi i nai ly nangchi tlang tleaung y ka kaji pyn bo; na i py Tameuh i peang nai ly nangchi ahawi y ang tym bo, nanai pany u,’ tapi. 12Kang napi kai ly, huni kani y ly huni avang patang ai nai tleaung y ly Sodom avang patang ai nai ly hawi kyh alam ai.#AA 19.24–28; Mt 11.24, 10.15
Ym y nai marychi
(Mt 11.21–24)
13“Aw Korazin awi, nang ly taham si! Aw Bethsaida awi, nang ly taham si! Nangni i meingtym y atiti rengrang sa naichi ly Tura hawi Sidon avang y sa nai ne i khyly, nini ly jangni ks-so paisiu kanih akhiu nai, maiphu theung y ateh iy uikhei pawn ai bo.#Is 23.1–18; Ezek 26.1—28.26; Joel 3.4–8; Amo 1.9–10; Zek 9.2–4 14Na i py tara chih nai kani y ly nangchi tleaung y ly Tura hawi Sidon avang i patang ai nai ly hawi kyh alam ai. 15Naibaly nang Kapernaum avang awi, nang ai ly kani pri y tym pa-rei tahm pasang ai a? Nang ai ly tavau kho y tym pa-rei tahm panem ai na a.#Is 14.13–15
16“Ami py nangchi i leu tangai baly kai i leu tangai nai bo mang; ami py nangchi ai ngai y baly kai ai ngai y nai bo mang; ami py kai ai ngai y baly, kai ai pato nai keung ai ngai y nai bo mang,” napi.#Mt 10.40; Mk 9.37; Lk 9.48; Jh 13.20
Abangnai leaung 72reichi vawi ali teang nai
17Naibaly vui saryhrei naichi ly kawn parai naimy vawi ali teang iy, “Areng, vawinamchi ai py nang i amyn deaungkho y kaimychi my ngaingai sa pajau,” napi. 18Naibaly ni my ly nichi teng y, “Amlo sadi kamta Setan ly kani pri mang i dengdairei tla nai kaniu na a. 19Khen cham, nangchi ly pavuichi hawi, kani taaichi ai chiu pajau ai nai hawi, paleung ka-e i sa thai naira bawibawi tleaung y peang pajau ai nai py leu kang pei mang; naibaly ati sai py nangchi ai no hai pajau y ai mang.#Sam 91.13 20Na i py vawinamchi ai ly nangmychi my nga ngai sa pajau nai deaungkho y kawn u moh; kani pri mang y naini nangchi i amyn tajiu nai deaungkho y kawn u,” napi.
Isu i amo theu nai
(Mt 11.25–27, 13.16–17)
21Hunai thym khyp khala y mymy ly Phailo Kachai y khri pa-rei kawn i, “Aw Ngaai, kani khaileaung Areng, nang ly khumi kacheng hawi paleung ha naichi teng y hini leu payh iy, deaungdi chymplei naichi teng y amteng hai nai deaungkho y kang palo mang; ne, Ngaai awi, hunai kamta sa ai nai nang ly hawi, nanai pany. 22Ngaai my ati cheaungkhang bawibawi kai teng y au bo. Naibaly Chapo ami mo, nanai ly ampo ny y baly ami py pany y; Ampo py ami mo, nanai ly Chapo hawi, ami teng y Chapo my amteng hai ai nai ngai nai ny y baly ami py pany y,” napi.#Jh 3.35, 10.15 23Naibaly abangnaichi mang y hi i, “Nangchi i atiti niu nai ngierei y niu nai mei ly taham hawi: 24kang thui pi, amo neangneangchi hawi areng neangneangchi py nangchi i atiti niu naichi ly niu ai nai ngai, na i py den py niu y; nangchi i kano y thai naichi py thai ai nai ngai, na i py den py thai y,” nanai kangviu y napi.
Samari khumi kahawi hawi pata nai
25Naibaly khen cham, Reita pany nai keung ami mo angdo i mymy ai cham ai nai, “Sara, deungtasarei hengra nga ai nai mana kasa ai mo?” napi. 26Naibaly mymy ly ni teng y, “Reita y mana tajiu mo? Nang ly mana mana phain mo?” napi. 27Naibaly ni my ly, “Nang i Areng Tameuh ai ly nang i paleung verei hawi, nang i phailo verei hawi, nang i atho bawibawi hawi, nang i dawn nai bawibawi hawi nang tamen ai nai tla; nangmy ai atamen nai kamta nangmy i saleaungchi ai py tamen ai nai tla, nanai he,” nanai pathang.#Lev 19.18; Leu 6.5 28Naibaly ni my ly mymy teng y, “Nang i pathang nai teng parai mang: huna nai sa baly nang heng ai,” napi.#Lev 18.5 29Na i py ni my ly eaung ai nai tau i Isu teng y, “Naibaly kai i saleaung khumi ly ami mo?” napi.
30Isu my pathang i, “Ami mo Jerusalem i dengdairei Jeriko avang y satla nai, lam sala y damrachi hawi avum i, hunichi my ly ni i ateaung lawm pi pawn veng iy dei vi pa-rei my ni ai pakhau i khai su. 31Naibaly pathyp pi nai keung leaungrei huni lam y ly tako ape khyp i, ni ai niu baly lam teng mang en vui. 32Naibaly hunai kamta Levi cheng i khumi leaungrei huni meingtym y tym i ni ai niu baly, lam teng mang en vui teang. 33Na i py Samari khumi leaungrei ly khuleaung chei nai tarawi y ni i awm naira y tym i, ni ai niu baly khrikhri pa-rei pahen, naibaly ni teng y chei iy,#2 Neng 28.15 34tamo y ly asi tui hawi kreip athai hang py thi pi i bam pajau baly, mymy i keaungngo kano kasau tleaung y atang hai; naibaly charai y chei hai i kry bo. 35Naibaly khawn mang y ly pia vui pangrei nai tangka cho nyhrei patheaung i, charai typ nai keung teng y pei iy, ‘Mymy ai kry ly, hini bo i khei nai ly kaimy ali teang kha y kang heung teang ai,’ napi.
Isu ly Martha nini Mari yhm y pavai nai
36“Hunichi leaung thomrei theung y ly damrachi hawi avum nai i saleaung khumi ly mani ne ai nai athang khai mo?” napi. 37Naibaly ni my ly, “Mymy ai pahen nai keung,” napi. Isu ly mymy teng y, “Chei ly, nang py hunai kamta so teang,” napi.
38Naibaly nichi ly khuleaung chei nai tarawi y mymy ly mani avang y mo kun; naibaly neampachy leaungrei, amyn Martha napi nai ly mymy i yhm y ni ai anga hai.#Jh 11.1 39Ni ly amnau neampachy leaungrei awm, amyn ly Mari: huni my ly Areng i kheu keung y ateh iy, ni i leu tangai. 40Na i py Martha ly biu an amsi ryry nai khrukhra la na i, ni teng y chei iy, “Areng, kai i amnau my kalop sa nai kaimy tlairei patlaw jo nai ly dawn hai y a? Kai ai sabawm ai nai thui pi kyh ba,” napi. 41Naibaly Areng my ly, “Martha, Martha, nang ly atiti neangneang dawn ala nai, khrukhrala na na a tu ly; na i py aly len keh nai harei awm; 42Mari i kahawi vawi nai ly la pi ai nai tlo y leang,” nanai pathang.
Chwazi Kounye ya:
LUKA 10: KCL02
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Khumi Common Language Bible © Bible Society of Myanmar, 2005.