Sòm 69:13-18

(14) Men mwen menm, se ou menm m'ap toujou lapriyè. Reponn mwen, Bondye, lè w'a wè l nesesè, paske ou gen bon kè, paske w'ap toujou pote m sekou. (15) Wete m nan m'a labou sa a. Pa kite m desann pi fon ladan li. Delivre m anba lènmi m yo. Wete m nan gwo basen byen fon an. (16) Pa kite dlo yo kouvri tèt mwen ankò. Pa kite m neye nan gwo lantonwa a. Pa kite bouch twou a fèmen sou mwen. (17) Reponn mwen, Senyè, paske ou p'ap janm sispann renmen m. Voye je ou gade mwen, paske ou gen kè sansib. (18) Pa vire do ou bay sèvitè ou. Prese vin reponn mwen, paske mwen nan gwo traka. (19) Vin jwenn mwen, vin delivre mwen. Wete m nan men lènmi mwen yo.