Sòm 64
64
SÒM 64 (63)
Lapriyè pou mande pwoteksyon
(1) Pou chèf sanba yo. Se yon sòm David.
1(2) Bondye, tande non lè m'ap plenn!
Pwoteje m kont lènmi m k'ap fè m pè yo.
2(3) Pwoteje m #Sòm 57.4 anba konplo mechan yo,
anba gwo bann malveyan sa yo.
3(4) Lang #Sòm 11.2 yo file tankou razwa.
Pawòl ki sòti nan bouch yo se pwazon.
4(5) Yo #Jòb 22.13; Sòm 140.5; Eze 13.22 rete kache, y'ap vize moun ki inonsan an.
Yo tire sou li san li pa atann. Yo pa pè fè anyen.
5(6) Yonn ap ankouraje lòt nan fè sa ki mal.
Y'ap rakonte jan yo mete pèlen pou lòt moun.
Y'ap plede di: Ki moun k'ap wè nou?
6(7) Y'ap fè move plan, y'ap veye pou moun pa dekouvri yo.
Sa ki nan kè yon moun ak nan lide li se mistè.
7(8) Men #Pwo 12.13; 18.7; Jer 48.27 Bondye ap tire flèch li sou yo:
Yo rete konsa, yo blese.
8(9) Se #Jer 50.28; 51.10 lang yo k'ap bat yo. #64.8: Se lang yo k'ap bat yo: Mo pou mo, tèks ebre a bay: Y'ap bat li, pawòl nan bouch yo p'ap defann yo.
Tout moun ki wè yo ap pase yo nan betiz.
9(10) Lè #Sòm 32.11 sa a, tout moun pral pè,
y'a mache fè konnen sa Bondye fè.
Y'a egzaminen tou sa li fè.
10(11) Tout moun ki mache dwat yo ap kontan tou poutèt sa Senyè a fè.
Y'a jwenn pwoteksyon anba zèl li.
Tout moun ki viv jan Bondye vle l la va fè lwanj li.
Chwazi Kounye ya:
Sòm 64: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.