Jozye 11:4-6

Tout wa yo vini avèk tout sòlda yo. Sa te fè yon gwo lame sòlda pèsonn pat ka konte, ou ta di grenn sab bò lanmè, avèk yon kantite chwal ak cha lagè. Wa yo pran randevou, yo mete tout sòlda yo ansanm. Yo rive, yo moute kan yo yonn sou kote lòt, toupre dlo Mewòm yo, pou yo atake pèp Izrayèl la. Senyè a di Jozye konsa: — Ou pa bezwen pè moun sa yo! Denmen, lè konsa, m'ap fè nou wè tout tonbe mouri la devan je nou. Nou menm, nou pral koupe jarèt tout chwal yo, epi n'ap boule cha yo.