Jeremi 11
11
Pèp la pa kenbe kontra a
1Senyè a pale ak Jeremi, li di l konsa:
2— Koute #2 Wa 23.3 kondisyon nou te pase nan kontra a. W'a pale ak moun peyi Jida yo ansanm ak moun ki rete lavil Jerizalèm yo. 3W'a #Det 27.26; Gal 3.10 di yo men sa Senyè a, Bondye pèp Izrayèl la, di: Madichon pou tout moun ki pa kenbe kondisyon ki nan kontra a. 4Se #Lev 26.3,12; Det 4.20; Jer 7.22,23 kontra sa a mwen te pase ak zansèt nou yo lè mwen t'ap fè yo sòti kite peyi Lejip, peyi ki te tankou yon gwo dife nan dèyè yo. Mwen te di yo: Se pou nou koute m, se pou nou fè tou sa mwen ban nou lòd fè. Se konsa, n'a yon pèp ki rele m pa m. Mwen menm, m'a sèl Bondye nou. 5Lè #Egz 3.8; Det 7.12,13; Sòm 105.9,10 sa a m'a kenbe pwomès ak gwo sèman mwen te fè bay zansèt nou yo, pou m te ba yo yon bon peyi kote lèt ak siwo myèl ap koule tankou dlo. Se peyi sa a ki pa nou jòdi a!
Mwen reponn:
— Se vre, Senyè!
6Apre sa, Senyè a di m ankò:
— Al repete tout pawòl sa yo byen fò nan zòrèy moun lavil peyi Jida yo, ak nan zòrèy moun nan tout lari lavil Jerizalèm. Di yo: Koute kondisyon ki nan kontra a. Fè tou sa ki ladan l. 7Paske, #2 Kwo 36.15; Jer 7.25 depi lè mwen t'ap fè zansèt nou yo sòti kite peyi Lejip jouk rive jòdi a, mwen pa manke avèti yo. Depi lè sa a m dèyè yo, m'ap mande yo pou yo koute sa m te di yo! 8Men #Jer 3.17; 7.26 yo pa tande, zòrèy yo bouche. Mwen te mande yo pou yo te fè tou sa mwen te ba yo lòd fè nan kontra a, men yo derefize. Se konsa mwen pini yo jan m te di yo sa nan kontra a.
9Apre sa, Senyè a di m konsa:
— Moun Jida ak moun lavil Jerizalèm moute konplo sou do mwen. 10Yo #Det 31.16,20; Sòm 78.8; 79.8; Eze 20.18 tonbe ankò nan menm peche ak zansèt yo ki te refize koute sa m t'ap di yo. Yo menm tou, yo kouri dèyè lòt bondye pou fè sèvis pou yo. Ni moun peyi Izrayèl yo, ni moun peyi Jida yo pa kenbe kontra mwen te pase ak zansèt yo a. 11Enben! #Pwo 1.28; Eze 8.18 Se mwen menm Senyè a k'ap pale: Mwen pral voye yon malè sou yo. Yo p'ap ka chape anba l. Y'a kriye nan pye m, mwen p'ap koute yo. 12Lè #Jer 2.28 sa a, se pou moun peyi Jida yo ak moun ki rete lavil Jerizalèm yo al kriye nan pye bondye y'ap sèvi yo. Se pa pou yo yo te konn boule ofrann yo! Tansèlman, bondye sa yo p'ap ka sove yo lè malè a va rive sou yo. 13Nou #Oze 9.10 menm moun peyi Jida, nou gen yon bondye pou chak lavil nan peyi a! Nou menm moun lavil Jerizalèm, mezi lari nou genyen se mezi lotèl nou bati pou boule ofrann pou Baal, zidòl k'ap fè nou wont la! 14Ou #Jer 7.16 menm, Jeremi, ou pa bezwen vin plede pou moun sa yo. Ou pa bezwen plenyen pou yo, ni ou pa bezwen lapriyè pou yo. Paske y'a rele nan pye m lè malè a va rive sou yo, mwen p'ap tande yo.
15Senyè a #Pwo 2.14 di ankò:
— Pèp mwen renmen anpil la gen move lide dèyè tèt yo. Ki dwa yo genyen pou yo vin nan Tanp mwen an? Yo genlè konprann yo ka egzante malè k'ap vin sou yo a avèk bèl pwomès y'ap fè m yo, yo ka chape anba l avèk vyann anpil bèt y'ap ofri pou mwen yo, apre sa pou y'al pran plezi yo? 16Yon #Sòm 52.8; Wòm 11.17,20 lè, mwen te rele yo: Bèl pye oliv mwen an, plen fèy, chaje donn. Men, kounyeya, m'ap vini ak yon bri loray, m'ap mete dife nan fèy li yo, m'ap kase tout branch li yo.
17Se #Jer 2.21; 7.18 mwen menm Senyè ki gen tout pouvwa a ki te plante pèp Izrayèl la ansanm ak pèp Jida a. Men kounyeya, mwen pran desizyon pou m voye malè sou yo. Se yo menm ki chache l avèk tou sa yo fè ki mal: Se yo ki fè m fache paske y'al boule ofrann pou Baal!
Konplo sou Jeremi
18Senyè a fè m konnen yo t'ap moute yon konplo sou do mwen. Li fè m wè jan yo t'ap manniganse sou do m pou yo pran m. 19Mwen #Sòm 83.4; Eza 53.7,8; Jer 18.18; Lam 3.60 menm, mwen te tankou yon ti mouton tou dou yo t'ap mennen labatwa, mwen pat konnen se sou do m yo t'ap konplote konsa lè yo t'ap di: Annou koupe pyebwa ki byen kanpe a. Ann disparèt li sou latè pou pèsonn pa chonje l ankò. 20Lè #1 Sam 16.7; Sòm 7.9; Jer 15.15; 17.10; 20.12; Rev 2.23 sa a, mwen lapriyè, mwen di:
— Senyè ki gen tout pouvwa a, ou se yon jij ki pa nan patipri.
Ou sonde tou sa ki nan kè ak nan lide moun.
Mwen lage kòz mwen nan men ou.
Fè m wè jan w'ap tire revanj ou sou yo.
21Mesye #Jer 12.6; Mat 13.57 lavil Anatòt yo te sòti pou yo touye m. Yo di m konsa: O wi, si ou louvri bouch ou pou pale nan non Senyè a ankò, n'ap touye ou. 22Enben, men sa Senyè ki gen tout pouvwa a di: M pral regle ak yo! Jenn gason yo pral mouri nan lagè. Pitit gason ak pitit fi yo pral mouri grangou. 23Lè lè a va rive pou yo peye pou sa yo fè a, m'ap voye yon sèl malè sou moun lavil Anatòt yo. Yo yonn p'ap chape.
Chwazi Kounye ya:
Jeremi 11: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.