Oze 5
5
1Koute sa byen, nou menm prèt yo!
Pare #Oze 9.8 zòrèy nou, nou menm pitit Izrayèl yo!
Louvri zòrèy nou, nou menm ki fanmi wa a!
Se nou menm y'ap jije kounyeya.
Nou tounen yon pyèj sou mòn Mispa.
Nou tounen yon pèlen yo mete sou mòn Tabò.
2Moun #Sòm 50.21; Oze 9.9,15 k'ap fè mechanste yo al twò lwen.
Se mwen menm k'ap pini yo tout.
3Depi #Am 3.2; 5.12 lontan mwen konnen moun Efrayim yo.
Wi, moun Izrayèl sa yo, nanpwen anyen mwen pa konnen sou yo.
Y'ap aji tankou jennès. Yo kite mwen pou ale jwenn lòt bondye.
Wi, moun Izrayèl sa yo mete tèt yo nan kondisyon kote yo pa ka sèvi mwen.
Oze denonse moun k'ap sèvi zidòl
4Avèk #Eza 59.2 tou sa pèp la ap fè a, yo pa ka tounen vin jwenn Bondye yo a ankò.
Yo pran nan sèvi zidòl. Yo pa konnen Senyè a ankò!
5Awogans #Oze 7.10 moun Izrayèl yo, se sa menm k'ap kondannen yo.
Wi, moun Efrayim sa yo tonbe akoz peche yo.
Menm moun Jida yo ap bite ansanm ak yo tou.
6Y'a #Eza 1.11; Oze 9.12 pran mouton ak bèf pou fè ofrann pou Senyè a.
Y'a chache l, men yo p'ap jwenn li, paske li wete kò l sou yo.
7Yo #Jer 4.5 pat kenbe pawòl yo ak Senyè a, yo twonpe l.
Yo fè yon bann timoun ki pa janm konnen Bondye.
Nan yon sèl mwa, Bondye ap detwi yo nèt ansanm ak tout jaden yo.
8Kònen klewon an lavil Gibeya!
Sonnen avètisman an lavil Rama!
Bay rèl lavil Betavenn pou moun yo pare pou lagè!
Leve pye nou, moun Benjamen! Lènmi dèyè nou.
9Jou pou yo pini moun Efrayim yo rive. Y'ap fini nèt avèk yo.
M'ap kanpe nan mitan tout branch fanmi Izrayèl yo,
m'ap fè yo konnen sa ki gen pou rive vre.
10Senyè a #Det 19.14 di ankò: Chèf peyi Jida yo fè menm bagay
ak moun k'ap deplase bòn pou antre sou tè moun.
M'ap move sou yo, m'ap vare sou yo tankou lavalas k'ap desann!
11Moun #Det 28.33; Oze 7.11; 12.1 Efrayim yo ap soufri anba moun k'ap peze yo a.
Yo pèdi tè ki pou yo dapre lalwa, paske yo te sòti pou yo te swiv moun ki pa gen anyen pou bay. 12M'ap #Jòb 13.28 fini ak moun Efrayim yo. M'ap detwi Jida tankou poudbwa ap detwi kay li tonbe ladan. 13Moun #2 Wa 15.19; Eza 1.5,6; Oze 14.3 Efrayim yo wè jan peyi a te malad, moun Jida yo te wè eta maleng peyi a. Lè sa a, moun Izrayèl yo kouri al mande sekou nan peyi Lasiri, yo voye moun al mande gran wa a sekou. Men, gran wa sa a pa ka ban nou gerizon, ni li p'ap ka geri maleng nou yo. 14M'ap #Oze 13.7 atake moun Efrayim yo tankou yon lyon. M'ap tonbe sou moun Jida yo tankou yon jenn ti lyon. Wi, se mwen k'ap dechire yo an miyèt moso. Apre sa, m'ap kite yo, m'ap depòte yo byen lwen peyi yo. Pèsonn p'ap ka sove yo anba men m.
15M'ap #Eza 26.16; Jer 29.10-12 vire do m tounen lakay mwen jouk y'a rekonèt fòt yo. Se lè sa a y'a chache m. Wi, lè y'a wè jan y'ap soufri a, y'a mete chache m.
Chwazi Kounye ya:
Oze 5: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.