Ezekyèl 40
40
VIZYON TANP DENMEN AN
(40—48)
Ezekyèl fè vizyon lavil Jerizalèm
1Nan dizyèm jou premye mwa vennsenkyèm #Eze 1.3; 33.21 lanne depi yo te depòte nou an, ki vle di katòzan, jou pou jou, depi yo te fin kraze lavil Jerizalèm lan, mwen santi pouvwa Senyè a sou mwen. Li pran m, li mennen m ale. 2Nan #Eze 8.3; Rev 21.10 yon vizyon, mwen wè li mennen m nan peyi Izrayèl la. Li mete m kanpe sou yon mòn byen wo. Mwen wè devan m sou bò sid la yon bann kay bati ou ta di yon lavil. 3Li #Eze 1.7; Zak 2.1; Rev 11.1 fè m pwoche. Lè sa a, mwen wè yon nonm ki te klere tankou kwiv. Li te kenbe nan men l yon kòdon tou blan ak yon règ pou mezire. Li te kanpe bò yon pòtay. 4Nonm #Eze 43.10; 44.5 lan di m konsa:
— Nonm o! Klere je ou gade. Louvri zòrèy ou gran pou ou koute. Mete tèt ou anplas pou ou wè tou sa mwen pral moutre ou la a. Se pou sa menm yo mennen ou isit la. Paske, ou gen pou ou fè moun pèp Izrayèl yo konnen tou sa ou pral wè.
Pòtay bò solèy leve a
5Sa m te #Eze 41.8; 42.20; 43.13 wè a se te Tanp lan. Te gen yon gwo miray ki te fè wonn li nèt. Nonm lan te gen nan men l yon règ pou mezire ki te gen dis pye longè. Li mezire miray la. Miray la te gen dis pye wotè, dis pye lajè. 6Apre #Eze 10.19; 40.22 sa, l'ale nan pòtay ki bay sou solèy leve a. Li moute mach eskalye yo. Lè li rive anwo, li mezire papòt pòtay la. Li jwenn dis pye fondè. 7Apre pòtay la, te gen yon gwo koridò avèk sis chanm pou gad yo, twa chak bò. Chak chanm yo te kare kare, dis pye lajè, dis pye longè. Miray ki te separe chanm yo te gen wit pye lajè. Apre chanm yo, koridò a lonje sou dis pye ankò, li te mennen nan yon gwo pyès ki te bay sou Tanp lan. 8Li mezire gwo pyès chanm sa a. 9Li #Eze 41.3 jwenn li te gen katòz pye longè. Chanm sa a te nan bout koridò a ki te pi pre Tanp lan. Miray la te gen kat pye lajè nan bout sa a. 10Te gen twa chanm gad chak bò koridò ki bay sou solèy leve a. Tout chanm yo te menm fòs. Miray ki te separe pyès yo yo yonn ak lòt te gen menm lajè.
11Apre sa, nonm lan mezire longè koridò a anba pòtay la. Li jwenn sèz pye. Li mezire lajè koridò a, li jwenn vennde pye. 12Devan chak chanm gad yo, te gen yon ti mi tou ba ki te gen ven pous wotè, ven pous lajè. Chanm yo menm te kare kare anndan, dis pye longè, dis pye lajè. 13Lèfini, li mezire distans ant miray dèyè yon chanm ale nan miray dèyè chanm ki anfas li lòt bò koridò a, li jwenn karannde pye. Pòt chanm yo te bay fas pou fas. 14#40.14: Nou pa fin sèten sa vèsè sa a vle di nan tèks ebre a. Gwo chanm ki te nan bout koridò a te louvri sou yon lakou. Li mezire lajè chanm lan, li jwenn trannkat pye. 15Li mezire longè koridò a, depi miray pòtay la sou deyò rive nan bout dènye gwo chanm lan, li jwenn katrevenkat pye. 16Te #1 Wa 6.4 gen fennèt ak griyaj nan mi ki bay sou deyò chak chanm yo, ak nan mi ki separe chanm yo. Yo te fè pòtre pye palmis sou fasad miray separasyon yo ki bay sou koridò a.
Gwo lakou a
17Nonm #Eze 42.1; Rev 11.2 lan fè m pase nan gwo lakou deyò a. Te gen trant chanm yo te bati fè wonn lakou a. Do chanm yo te kole ak gwo miray ki te fèmen lakou a. Tout lakou a te pave nèt depi devan pòt chanm yo. 18Gwo lakou a te pi ba pase ti lakou anndan an.
19 # 40.19: Nan fen vèsè sa a nou jwenn yon ti bout fraz nan tèks ebre a ki pati konsa: nan direksyon solèy leve ak nan direksyon nò. Te gen yon pòtay yon ti jan pi wo ki bay sou lakou anndan an. Nonm lan mezire depi sou pòtay deyò a rive nan pòtay anndan an. Li jwenn sanswasanntwit (168) pye.
Pòtay Nò a
20Lèfini, nonm lan al mezire pòtay kote ou pase antre nan gwo lakou a lè ou sòti sou bò nò. Li pran longè l ak lajè l. 21Twa chanm gad yo ki sou chak bò koridò a, miray ki separe yo a, ak dènye gwo chanm ki bay sou anndan an, yo tout te gen menm mezi ak sa li te jwenn pou pòtay ki bay sou solèy leve a. Koridò mitan an te gen katrevenkat pye longè sou karannde pye lajè. 22Dènye gwo chanm lan, fennèt yo, ak pòtre pye palmis te tankou sa li jwenn pou pòtay bò solèy leve a. Te gen sèt macheskalye ki moute devan pòtay nò a. Gwo chanm lan te nan bout koridò a ki bay sou gwo lakou a. 23Lòt bò gwo lakou a, devan koridò nò a, te gen yon lòt pòtay ki bay sou ti lakou anndan an, menm jan ak sou bò solèy leve a. Nonm lan mezire distans ant de pòtay yo, li jwenn sanswasanntwit pye tou.
Pòtay Sid la
24Apre sa, nonm lan mennen m sou bò sid la. La tou, mwen wè yon lòt pòtay pou antre nan gwo lakou a. Li mezire l, li te tankou lòt pòtay yo. 25Te gen fennèt nan chanm gad yo, tankou lòt yo. Koridò pasay la te gen katrevenkat pye longè sou karannde pye lajè. 26Te gen sèt macheskalye ki moute devan pòtay la sou deyò. Dènye gwo chanm lan te nan bout koridò a ki bay sou gwo lakou a. Te gen pòtre pye palmis sou fasad miray ki bay sou koridò a. 27Sou bò sid la tou, te gen yon lòt pòtay ki mennen nan ti lakou anndan an. Nonm lan mezire distans ant de pòtay yo, li jwenn sanswasanntwit pye tou.
Pòtay Sid ti lakou anndan an
28Nonm lan fè m pase nan pòtay sid la pou m antre nan ti lakou anndan an. Li mezire koridò a, li te menm fòs ak koridò gwo miray deyò yo. 29-30Chanm gad yo, gwo chanm lan, ak miray li yo te tankou pou lòt koridò yo. Te gen fennèt nan chanm ki bay sou koridò yo tou. Longè koridò a te katrevenkat pye, lajè l te karannde pye. 31Men, gwo chanm lan te nan bout ki bay sou gwo lakou a. Pòtre pye palmis yo te sou tout fasad miray la sou anndan koridò a. Te gen wit macheskalye ki moute devan pòtay la.
Pòtay Lès ti lakou anndan an
32Apre sa, nonm lan fè m pase nan pòtay bò solèy leve a pou antre nan ti lakou anndan an. Li mezire pòtay la, li jwenn li te menm fòs ak lòt pòtay yo. 33Chanm gad yo, gwo chanm lan, miray anndan li yo, yo tout te tankou pou lòt pòtay yo. Te gen fennèt toutotou koridò a ak nan gwo chanm lan tou. Li te gen katrevenkat pye longè sou karannde pye lajè. 34Gwo chanm lan te bay sou gwo lakou deyò a. Pòtre pye palmis te sou tout miray la anndan koridò a. Te gen wit macheskalye ki moute devan pòtay la.
Pòtay Nò ti lakou a
35Lèfini, nonm lan mennen m bò pòtay nò a. Li mezire l, li jwenn li te menm fòs ak lòt pòtay yo. 36Tankou tout lòt yo, li te gen chanm pou gad yo, miray ak pòtre, yon gwo chanm ak fennèt toupatou. Li te gen katrevenkat pye longè sou karannde pye lajè. 37Gwo chanm lan #40.37: gwo chanm lan: Se sa nou jwenn nan kèk ansyen vèsyon, men tèks ebre a bay: miray anndan an. te bay sou gwo lakou deyò a. Pòtre pye palmis te sou tout miray anndan koridò a. Te gen wit macheskalye ki moute devan pòtay la.
Lòt pyès bò pòtay Nò a
38Nan #Lev 1.9; 2 Kwo 4.6 gwo lakou deyò a te gen yon chanm bò pòtay nò ki mennen nan ti lakou anndan an. Chanm sa a te louvri sou gwo chanm lan ki bay sou gwo lakou a. Se la yo te lave vyann bèt yo te fin touye anvan y'al boule yo nèt sou lotèl la. 39Nan #Lev 1.3-5; 4.2-4; 5.1-6 gwo chanm sa a, te gen kat tab, de sou chak bò pyès la. Se sou tab sa yo yo te touye bèt yo te ofri pou touye pou Bondye, kit pou yo boule l nèt, kit pou wete peche yon moun fè, kit pou peye pou sa yon moun fè ki mal. 40Sou deyò pyès la tou te gen lòt tab, de chak bò pòtay Nò a. 41Antou sa te fè wit tab kote pou yo touye bèt yo ofri bay Bondye, kat anndan gwo chanm lan, kat nan gwo lakou deyò a. 42Kat tab ki nan chanm sou kote pòtay la, kote yo pare bèt yo ofri pou boule nèt yo, te fèt an gwo moso wòch taye. Yo te gen ven pous wotè. Anwo tab yo te kare kare, trant pous chak bò. Tout zouti ki sèvi pou touye bèt yo ofri bay Bondye kit pou boule nèt, kit pou lòt sèvis, se sou tab sa yo yo te mete yo. 43Yo fouye yon ti kannal twa pous lajè kouri sou rebò anwo tab yo. Se anwo tab sa yo yo mete vyann pou yo ofri nan sèvis yo.
44 # 40.44: Vèsè sa a pa klè nan tèks ebre a. Apre #1 Kwo 6.31,32 sa, li mennen m antre nan ti lakou anndan an. Te gen de lòt chanm ki bay sou ti lakou anndan an, yonn bò pòtay nò a ak pòt li louvri sou sid, lòt la bò pòtay sid la ak pòt li louvri sou nò. 45Nonm #Nonb 3.7; 1 Kwo 9.23; Eze 44.14 lan di m konsa:
— Ti chanm ki gen pòt li louvri sou sid la, se pou prèt k'ap sèvi nan Tanp lan. 46Lòt #Nonb 3.31; 18.5; 1 Wa 2.35; Eze 45.4 chanm ki gen pòt li louvri sou nò a, se pou prèt k'ap sèvi sou lotèl la. Tout prèt yo se moun menm fanmi Zadòk la. Nan tout branch fanmi Levi a, se yo menm ase ki te gendwa antre devan Senyè a pou sèvi l nan Tanp lan.
Ti lakou anndan kay Bondye a
47Nonm #Egz 40.29; Mat 23.35 lan mezire ti lakou anndan an. Li te kare kare. Chak bò te mezire sanswasanntwit pye. Kay la menm te moute sou bò solèy kouche a ak lotèl la devan li. 48Li fè m antre nan premye pyès Tanp lan. Li mezire papòt chanm devan an, li jwenn li te gen nèf pye pwofondè ak vennkat pye lajè. #40.48: ak vennkat pye lajè: Pa gen mo sa yo nan tèks ebre a. Se yon ansyen vèsyon ki bay yo. Miray bò pòtay la te gen senk pye epesè. 49Te #1 Wa 6.3; 7.21 gen dis macheskalye pou moute devan pòt premye pyès Tanp lan. Pyès la te mezire ven pye lajè ak trannkat pye fondè. Te gen de gwo poto won, yonn chak bò pòt la.
Chwazi Kounye ya:
Ezekyèl 40: HAT98
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.