Egzòd 25:1-9

Senyè a pale ak Moyiz, li di l: — Pale ak moun Izrayèl yo. Di yo pote yon ofrann ban mwen. W'a resevwa l pou mwen nan men tout moun ki vle bay ak kè kontan. Men ofrann pou ou resevwa nan men yo: lò, ajan ak kwiv, bon twal koulè vyolèt, ble ak wouj, twal fen blan, twal fèt ak plim kabrit, po belye tenn koulè wouj ak po bazann, bwa zakasya, lwil pou gwo lanp sèt branch lan, epis santi bon pou mete nan lansan an ak nan lwil yo sèvi pou mete moun apa pou sèvis Bondye a, pyè oniks ak lòt pyè pou gani jile ak plastwon granprèt la. Y'a fè yon plas apa pou mwen rete nan mitan yo. W'a fè tant lan ak tout bagay ki pou ale ladan l, dapre modèl mwen pral ba ou a.