Amòs 2
2
Mowab
1Senyè a di konsa:
Moun #Eza 15.1-9 lavil Mowab yo ap plede fè peche sou peche san rete.
Mwen fin pran desizyon m, mwen p'ap chanje lide.
Yo pa respekte zosman wa Edon an.
Yo boule yo fè yo tounen sann.
2M'ap #Jer 48.24 voye dife nan peyi Mowab la.
L'a boule gwo kay lavil Keriyòt yo ra tè.
Moun Mowab yo ap mouri nan mitan batay la,
antan moun k'ap goumen yo ap rele byen fò,
epi klewon ap kònen.
3M'ap touye chèf k'ap gouvènen nan mitan yo
ansanm ak tout lòt chèf ki nan peyi a.
Se Senyè a menm ki di sa.
Jida
4Senyè a #Lev 26.14,15; Eze 20.13; Da 9.11; Wòm 1.25 di konsa:
Moun peyi Jida yo ap plede fè peche sou peche san rete.
Mwen fin pran desizyon m, mwen p'ap chanje lide.
Yo voye sa mwen te moutre yo a jete.
Yo p'ap fè sa m te ba yo lòd fè a.
Yo kite menm zidòl zansèt yo te sèvi a fè yo pèdi wout yo.
5Se #Jer 17.27; Oze 8.14 poutèt sa, m'ap voye dife nan peyi Jida a.
L'a boule gwo kay lavil Jerizalèm yo ra tè.
Jijman Bondye sou pèp Izrayèl la
6Senyè a #Lev 25.39; Am 8.6 di konsa:
Moun pèp Izrayèl yo ap plede fè peche sou peche san rete.
Mwen fin pran desizyon m, mwen p'ap chanje lide.
Yo pran moun serye ki pa ka peye dèt yo, yo vann yo tankou esklav.
Yo pran pòv malere ki pa gen senk pou peye dèt yo, yo vann yo pou gremesi.
7Y'ap #Jòb 24.4; Eza 10.2; Eze 22.11; Am 5.12; 1 Kor 5.1 pilonnen malere anba pye yo.
Y'ap fè pòv yo vin pi pòv.
Papa kou pitit al dèyè fi k'ap sèvi nan kay la.
Konsa, yo trennen non Bondye nan labou.
8Yo #Egz 22.26 kouche bò lotèl yo sou rad moun te mete nan plàn lakay yo.
Nan tanp bondye yo a y'ap bwè bweson yo te fè moun bay pou amann.
9Men, nou menm pèp mwen, se pou nou mwen te detwi moun Amori yo nèt,
yon bann moun ki te wo tankou pye palmis,
ki te gen kouray tankou pye bwadchenn.
Mwen koupe branch yo ra tè.
Mwen dechouke rasin yo.
10Mwen #Egz 12.17,51 fè nou sòti kite peyi Lejip.
Mwen mennen nou pandan karantan nan dezè a.
Mwen ban nou peyi moun Amori yo pou peyi pa nou.
11Mwen #Nonb 6.2,3 te chwazi kèk nan pitit gason nou yo pou sèvi m prèt,
ak kèk nan jenn gason nou yo pou yo ka vin nazirit. #2.11: nazirit: Wè Nonb 6.2.
Se pa konsa sa te fèt vre, moun Izrayèl? Se mwen menm, Senyè a, ki di sa. 12Men, #Eza 30.10; Am 7.13,16 nou fè nazirit yo bwè diven, nou bay pwofèt yo lòd pou yo pa bay mesay mwen ba yo pou pèp la.
13Kounyeya, mwen pral kraze nou anba pye m menm jan yon kabwèt chaje ap foule tè. 14Nou #Sòm 33.16,17; Am 9.1 te mèt konn kouri, nou p'ap chape. Grannèg kou nou grannèg, sa p'ap sèvi nou anyen. Vanyan kou nou vanyan, nou p'ap ka sove pwòp tèt nou. 15Moun k'ap tire flèch yo p'ap ka rete kanpe. Moun k'ap kouri vit yo p'ap ka chape. Kavalye sou chwal p'ap ka sove lavi yo. 16Jou sa a, ata sòlda ki pi vanyan yo ap lage zam yo atè, y'ap kouri met deyò tankou manman yo te fè yo. Se Senyè a menm ki di sa.
Chwazi Kounye ya:
Amòs 2: HAT98
Pati Souliye
Pataje
Kopye
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fht.png&w=128&q=75)
Ou vle gen souliye ou yo sere sou tout aparèy ou yo? Enskri oswa konekte
Haitian Creole DC Bible © Societé Biblique Haïtienne, 1998.