MARK AJÜHTUWA
AJÜHTUWA
Mark na zhükechi Jühtheü Kemehaiwa hana ajüh hati pi ketegü waben; “Anyiza Tsawa Jisu Khrista cüki Jühtheü Kemehaiwa.” Hawi Jisu pi anyi kekuliwa nu kekhang kebenwa kesü satheng. Ma kekhang keben tsüna ma nyu kesansi, ma atsaghangthu miwi kekhang keben, nu ma anyithu kesami teshi pi kecü wi muya. Jisu na ma ketanla ma pi Anyi Tsawa na ghola ma kahangli khuchi pi kesami wi anyithu hangsha kecü cüki khi.
Mark na Jisu cüki khi pi meshonqhe nu khang ntsa sala ma jühthu nu ma nyu kesansi miwila ma mangwa kuli khe tsü khi ntsa sachi. Ma Johan Baptizwa nu Jisu na baptaiz saya meyi ma kemechu cüki melute kekhi seng wi wan wala Jisu na nyu sa pi mehai kecü nu nyu kesansi cüki khi wa. Ashishi sala Jisu senkeniethu na ma cüki chüya, isala Jisu nankemeghüthu na ma tuwi nmehai pfüpfü sa wa. Kezhü sakhen wi Jisu na ayyi wi kahang hapta sakhen, ma pi kross miwi kejen nu hangneng-keshagha cüki khitheng.
Jühtheü Kemehaiwa sakhen wi braket pi vü ketheng tsüna anyi kejonla Mark na kezhü nyela anyi kepa na zhüchile kesa nondiden.
Hawi kebenthu
Jühtheü Kemehaiwa ketegü kewa 1.1-13
Jisu na Galilee wi anyithu tuwi kekuli 1.14—9.50
Galilee wina Jerusalem wi kewa 10.1-52
Hapta sakhenwa nu Jerusalem ketetsaki 11.1—15.47
Jisu hangneng-keshagha 16.1-8
Hangneng-keshagha Apvüwa mukeya nu ma tang wi kewa 16.9-20
Chwazi Kounye ya:
MARK AJÜHTUWA: RENGNBSI
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.