Vèsè popilè nan Bib la ki soti nan MATIYO 18

Pataje

Mana v̄ahanu v̄ulio amba waili au wararu wangulidzana ha lidzina langu, wami uka v̄umoja na wao.»

Nisumuambiani raha, neka waili hari mwanyu waafikiana shiv̄andreju mwa tsi wamiye itsokao yotsi, watsov̄olwayo na Ɓaɓangu alio mbinguni.

Ɓas, Insa ahiri mwanamutsa, amuhetsi hari-hari na wao, amwesa arongoa: «Nisumuambiani ha kweli, neka kamusugauha mwaka mauri wana, kamutsongia hari mwa Utawalizi wa Monyewe ziMbingu.

Ha izo, mutru yotsi atsodzifanyao mwekevu mauri ɗe mwanamutsa unu, atsoka ɗe umuɓole hari mwa Utawalizi wa Monyewe ziMbingu.

Na mutru yotsi arengao mwanamutsa mauri ɗe unu ha lidzina langu, asunirenga ɗe wami.»

Ha kweli nisumuambiani, yotsi mutsoifungao shiv̄andreju mwa tsi, itsofungwa mbinguni; na yotsi mutsoiɓuliao shiv̄andreju mwa tsi, itsoɓuliwa mbinguni.

Iyo ɗe inamuna Ɓaɓangu alio mbinguni atsomufanyiaoni, neka kula moja hari mwanyu kasuswamihi munyahe ha umo warahara.»

«Mutru atsokwalisao moja hari mwa uwatiti wanu waniaminio, itsoka afudhwali ya waye ufungwa ɓwe ɓole tsingoju, andre apulisiwe zilindrini.

Musuona jeje? Neka mutru ana maɓariɓari miya amba moja lipotea, v̄av̄o katsolisha tuswini na shendra yale mulimani hule, andra azunguha moja lile lapotea?