Vèsè popilè nan Bib la ki soti nan Matíe 18

Pataje

Ɩ́zà náa srʋɛ sáà amɔ mà dɛ́ɛ́ nyʋa sɔ́ yà nyʋa ta sɔ́ ŋnɩlɔ̀ wlú ná ŋnɩ́ mʋ́ a, ɩ́ kʋ á nyièdɩ.»

Cícása a mnɩ́ náa srʋɛ sɔ́kʋ́ amɔ mà, a nyièdɩ a nyʋa a sɔ́ nɩ núnuù dɛ́ Dʋ̀dʋ kʋ́ lé a nɩ yráa ɩ Tʋ́ɔ́ ɔ̀ kʋ̀ lagɔɔ́ a lɛ́ mʋ́ a, ɔ́ yi amɔ mɛ́ nyɛ́.

Á yrɔ́ɔ́ a, ɔ́ wle yítòtòyilɛ̀ lé ɔ́ sríó á drɩ̀. Lé ɔ́ srʋ á mà: «Náa srʋɛ amɔ cícása, a nɩ nɩ́ cɩ́cɩ lé a ká yúó bhísakʋ́ plɩ́ a, a nɩ́ ka Lagɔ a Léyibhlɩɛ́ a mnɩ́ pla.

Nyɔɔ́ nà kà ɔ nyoku sá kwlée yítòtòyilɛ̀ɛ̀ lɩ̀à bhísakʋ́ a, ɔ́mɔ́ nà kà Lagɔ a Léyibhlɩɛ́ a mnɩ́ mɔ̀ nyɩ́kpɔkádɔ plɩ́.

Lé nyɔ nɩ bhli yʋ́ɔ́ lɩ̀à bhísakʋ́ a yʋ́, ná ŋnɩ́ mʋ́ námasa kʋ́ a, mɔ́ɔ ɔ́ bhli námasa kʋ́.

Cícása a mnɩ́, náa srʋɛ amɔ mà, nɩ̀ gʋa dɛ́ dʋ̀dʋ kʋ́ lɛ́ a, ɛ́ yi lagɔɔ́ mɔ̀ɔ gʋalɔɔ̀. Ɩ́zà nɩ vlulò dɛ́ Dʋ̀dʋ kʋ́ lɛ́ a, ɛ́ yi lagɔɔ́ mɔ̀ vlulò.

Bhʋ́ Zozíi srʋ á mà: «Sɩ́tɛ̀ mʋ́ ɩ Tʋ́ɔ́ ɔ̀ kʋ̀ lagɔɔ́ a, na ká amɔ kʋ́ bhliì, a nɩ nɩ́ a kplɔkplɔdì a mnɩ́ a lía cie a.»

Mɔ̀ nyɔɔ́ nà kà nɩ lé yúó lɩ̀à à kà ná fádùò a, á nyièdɩ a yʋ́ ká nyumoé nɩ a, á yi mɔ̀ cɔ́kʋ kádʋ blɛɛ́ gʋa, lé á yi mɔ̀ jié páa.

Cégbá mʋ́ a bhobhole wɔlɩdrèè lɩ̀à a? Nyɔ nɩ ka bhlábhlɩ́ a gwlɩ̀ gbɩ́ lé ɩ́ nyièdɩ a bhlábhlɛ́ a múó nɩ tuo a, ɔ́ɔ nɩ́ tɩ ʋ́ bhlábhlɩ́ ànɩ̀ɛ̀ gwlɩ̀ɛ̀mɔ̀nàà lé kʋ́gbá fɛnaá kíkéé jɩ̀ lé ɔ nɩ́ mʋ bhlábhlɛ́ɛ́ ɛ̀ tuo a, mʋ́mɔ ka a?