Vèsè popilè nan Bib la ki soti nan Pwovèb 16

Pataje

Mande Senyè a pou l beni tout travay w'ap fè, w'ap reyisi nan tou sa w'ap fè.

Lèzòm fè plan travay yo nan kè yo. Men, se Senyè a k'ap dirije sa y'ap fè a.

Bon pawòl se siwo myèl. Yo bon pou sante ou, yo dous pou nanm ou.

Lèzòm fè lide nan kè yo. Men, dènye mo a nan men Bondye.

Pito ou aji ak pasyans pase pou ou fè fòs sou moun. Pito ou konn kontwole tèt ou pase pou ou gwo chèf lame k'ap mache pran lavil.

Lè ou gen lanbisyon, yo pa lwen kraze ou. Lè w'ap fè awogans, ou pa lwen mouri.

Lèzòm mete nan lide yo tou sa yo fè bon. Men, pa bliye se Bondye k'ap jije sa ki nan kè yo.

Moun k'ap repase nan tèt li tou sa yo moutre l va wè zafè l mache byen. Ala bon sa bon pou moun ki mete konfyans yo nan Senyè a!

Pito ou fè ti pwofi nan fè sa ki dwat pase pou ou fè gwo benefis nan fè sa ki mal.

Chemen ou kwè ki bon an, se li ki mennen ou tou dwat nan lanmò.

Ipokrit toujou ap pouse dife. Moun k'ap fè tripotay mete zanmi dozado.