Vèsè popilè nan Bib la ki soti nan Pwovèb 15

Pataje

Yon bon repons dous ap kalme yon moun ki ankòlè. Men, si ou reponn li rèd, w'ap fè l pi eksite.

Lè ou gen krentif pou Bondye, ou deja konprann anpil bagay. Lè ou soumèt devan Bondye, moun va fè lwanj ou.

Bon pawòl yon zanmi bay lavi. Men, move pawòl demanbre.

Lè ou pa pran konsèy, plan travay ou p'ap mache. Lè ou pran konsèy nan men anpil moun, ou mèt sèten travay ou ap mache byen.

Lè kè ou kontan, yo wè sa sou figi ou. Lè ou nan lapenn, ou kagou.

Je Senyè a toupatou, l'ap veye tout moun, bon kou mechan.

Pito ou pa gen anpil byen men ou gen krentif pou Bondye pase pou ou rich epi pou ou nan tèt chaje.

Yon moun ki gen san wo toujou ap pouse dife. Men, moun ki pa fè kòlè fasil toujou ap mete lapè.

Yon moun ki dwat kalkile anvan li bay repons. Men, mechan yo prese bay move pawòl.