Vèsè popilè nan Bib la ki soti nan LUK 7

Pataje

Hi no kizaden, ma ketizen keti pi ccüca kechi tsüna ma kesami kejon teshi pi cüdha. Isala thowa na kesami keu teshi pi cü khe ketizen keu ketan pi ccücaben.” Tsaseng wi Jisu na nzawa wi kiza, “No kesamithu teshi pi cüdha.”

Isala Jisu na nzawa wi khi, “No kenondi na no hangsha yadha, nleben cca whalo.”

Jisu sengwa ngan, nu ma ccü wi qai nu ma nyontssü lle pi Jisu ccü zügüben. Isanu ma lissen pi Jisu ccü nyen nu kimang, nu hankedemvu deli tsü pi ma ccü nyen.

nyelela hi ntuwi lela ngho qo le! No ajüh ketan khichilo isanu imaghawa yala mehaiya thsülo. Hi la kedi kekhu wi keben nyi kesü nu ikekhu wi süpahithu la ben. Hi kesü kizala, ‘walo!’ isathu ma waden; kepawa kizala, ‘gholo!’ isathu ma ghoden; nu hi imaghawa kizala, ‘Ha salo!’ isathu ma tsü satenle!” Jisu na ha zakeya wi ma mansa; ma khapeghe wa anyitenti ma nie ketenthu wi khi, “Hi nthu kizaden, hi Israel nyithu jawi lela khiela kenondi hati npi muyale!”

Tsü tsüwi Jisu na kesakinaathu, khuma-khujü kepvüthu, nu nkemehai ghamu kessithu sa pi mehai cü, nu anyon nkemuthu ya muya thsüben. Ma Johan nyilo keni wi kiza, “Whala nshinyi na mangwa muya nu zaya khe pi Johan kizalo: anyon nkemuthu na muya, accü nkemehaithu na lentsenya, agükedsakenaathu sa pi mehai cü, akhuna ketecuthu na zaya, keshüthu sa pi hangneng cü, nu Ajühkemehaiwa pi ketha-uthu sansi cü.