Vèsè popilè nan Bib la ki soti nan Mateo 18

Pataje

Porque apeꞌ ekaꞌi-oxiꞌ ndikimal kiꞌ pa nubꞌiꞌ, chiriꞌ yinkꞌo riyin chikikajal.

Keriꞌ chuqaꞌ nibꞌij chiwa: Si ekaꞌiꞌ chiꞌikajal jun kánima ndikibꞌen pa ruwiꞌ jun achike ndikikꞌutuj chare ri Dios, ri ndikikꞌutuj kin ndiyoꞌox wi pe chake roma ri Nataꞌ kꞌo chikaj.

Y ri Jesús xroyoj apu jun chꞌuti akꞌual y xuyaꞌ pa kinikꞌajal rejeꞌ, y kereꞌ xubꞌij chake: Kin qetzij nibꞌij chiwa, si rix ma ndijel ta inoꞌoj, y ndibꞌen qa achel kinoꞌoj chꞌuteq akꞌolaꞌ, ma ngixok ta chupan ri ru-reino ri aj chikaj Dios.

Romariꞌ, ri xtuqasaj riꞌ y ndubꞌen qa achel re jun akꞌual reꞌ, jariꞌ ri más nim ruqꞌij chupan ri ru-reino ri aj chikaj Dios.

Y ri xtikꞌamo apu ruwech jun akꞌual achel reꞌ pa nubꞌiꞌ, kin achel ja ta riyin ri ndukꞌen apu nuwech.

Kin qetzij nibꞌij chiwa, chi nojel ri xtixim o xtikir chochꞌulew, rikꞌin ri Dios pataneq wi chi keriꞌ ndibꞌen.

Y achel xubꞌen ri ajaw riꞌ chare ri rusamajel, keriꞌ chuqaꞌ xtubꞌen ri Nataꞌ kꞌo chikaj chiwa rix, si chiꞌijununal ma xtikuy ta jun hermano rikꞌin nojel iwánima. Keriꞌ xubꞌij ri Jesús.

Pero juyo ruwech ri ndibꞌanun chare jun chikiwech re chꞌuteq wíta reꞌ ri yin kitaqin, chi ndiril jun roma ngiruyaꞌ kan. Xa más ta utz chare chi nditzeqebꞌex chuqul jun nim abꞌej jokꞌbꞌel trigo, y ndetorix pa mar chin ndibꞌa qa hasta chuxeꞌ yaꞌ.

¿Achike ndibꞌij rix pa ruwiꞌ re nibꞌij chiwa? Si jun achi ekꞌo 100 rukarneꞌl y ndisach e jun, ¿la ma ngeruyaꞌ ta kꞌa kan jubꞌaꞌ ri 99 pa qꞌas y nderukanoj ri sachineq?